بیرلشگن ملتلر تشکیلاتی قندهار‌نینگ میوند اولسواللی اهالیسی اوچون ایش امکانیتلری یره‌تماقده
۸صبح، کابل: خلق‌ارا مهاجرت تشکیلاتی (IOM) «ایش عوضیگه پول» دستوری آرقه‌لی قندهار ولایتی‌نینگ میوند بازاری اهالیسی اوچون ایش امکانیتلری یره‌تگنینی معلوم قیلدی.
اوشبو تشکیلات دوشنبه کونی، ۲۹-سرطان، ایکس اجتماعی ترماغیده‌گی صحیفه‌سیده اعلان قیلگن خبریده، مذکور لایحه افغانستان جمعیتی‌نینگ برداشلیلیگینی مستحکملش دستوری (ACRP) آرقه‌لی و اروپا اتفاقی یاردمیده عملگه آشیریله‌یاتگنینی اَیتدی.
خلق‌ارا مهاجرت تشکیلاتی قۉشیمچه قیلیشیچه، اوشبو دستور محلی اهالی اوچون تیریکچیلیک امکانیتلرینی یره‌تیش بیلن بیرگه، آدملر‌نینگ ساغلیقنی سقلش خدمتلری همده خوفسیز احتیاجلریگه جواب بېره‌دیگن کانالیزاسیون خدمتلریدن فایده‌لنیش امکانیتلرینی یخشیلشگه هم یاردم بېره‌دی.
مذکور تشکیلات اوشبو لایحه عملگه آشیریلیشی محلی جماعه‌لرنی مستحکملش و اولر‌نینگ تورلی قیینچیلیکلرگه قرشی برداشلیلیگینی آشیریشگه خدمت قیلیشینی تأکیدله‌دی.
