یونیسف افغانستانده تۉییب-آوقت‌لنمسلیکدن اذیت چېکه‌یاتگن باله‌لر اوچون دوالاوچی آزیق-آوقت تأمینلنه‌یاتگنینی معلوم قیلدی
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) آغیر تۉییب-آوقت‌لنمسلیکدن اذیت چېکه‌یاتگن باله‌لرنی دوالش اوچون اولرگه استعمالگه تیّار دوالاوچی آزیق-آوقت یېتکزیب بېره‌یاتگنینی معلوم قیلدی.
مذکور تشکیلات چهارشنبه کونی، ۳۱-سرطان کونی، ایکس صحیفه‌سیده اوشبو یاردملر اروپا اتفاقی‌نینگ انسانپرورلیک یاردم باشقرمه‌سی یاردمیده عملگه آشیریله‌یاتگنینی و اونینگ مقصدی باله‌لر آره‌سیده‌گی آغیر تۉییب-آوقت‌لنمسلیککه قرشی کوره‌شیش اېکنینی یازدی.
یونیسف‌نینگ تأکیدلشیچه، استعمالگه تیّار دوالاوچی آزیق-آوقت آغیر تۉییب-آوقت‌لنمسلیکدن اذیت چېکه‌یاتگن باله‌لر‌نینگ قیسقه مدت ایچیده ساغلیغی و وزنی یخشیلنیشیگه یاردم بېریشی ممکن.
یونیسف اوشبو یاردملرنی دوام اېتتیریش ضرورلیگینی تأکیدلر اېکن، افغانستاندهگی باله‌لر هنوز تۉیی-آوقت‌لنمسلیک خوفی آستیده قاله‌یاتگنینی و حمایه‌گه محتاج عایله‌لر اوچون آزیقلنیش همده دوالش خدمتلریگه احتیاج آرتیب باره‌یاتگنینی بیلدیردی.
بریتانیا تشقی ایشلر وزیری اۉرین‌باسری همیش فالکونر هم اوّلراق ۱۷،۴ میلیون کیشی آغیر آزیق-آوقت خوفسیزلیگی معماسیگه دوچ کېله‌یاتگنینی همده افغانستان باله‌لر و آنه‌لر اۉرته‌سیده‌گی تۉییب طعاملنمسلیک درجه‌سی اېنگ یوقاری بۉلگن مملکتلردن بیری بۉلیب قاله‌یاتگنینی اَیتگن.
