بیرلشگن ملتلر تشکیلاتی: آلتی میلیون مهاجر‌نینگ قَیتیشی خدمتلر و آست-قورمه‌لرگه بۉلگن باسیمنی ینه‌ده کوچه‌یتیردی
۸صبح، کابل: بیرلشگن ملتلر تشکیلاتی‌نینگ اهالی یشهش جایلری دستوری (UN-Habitat) افغانستانده ۲۰۲۳-ییل آخریدن بویان تخمیناً آلتی میلیون افغان مملکتگه قَیتگنینی معلوم قیلدی.
مذکور تشکیلات پنج‌شنبه کونی، ۸-اسد، ترقه‌تگن حساباتیده مهاجرلر‌نینگ کېنگ کۉلمده قَیتیشی اوّلدن هم منبعلر یېتیشماوچیلیگیگه دوچ کېلگن خدمتلر و آست-قورمه‌لرگه کوچلی باسیم اۉتکزه‌یاتگنینی بیلدیرگن.
بمت‌نینگ اهالی یشهش جایلری دستوری، شونینگدېک، افغانستان اهالیسی‌نینگ قریب یرمی هنوز انسانپرورلیک یاردمیگه محتاج اېکنینی تأکیدله‌گن.
بیرلشگن ملتلر تشکیلاتی‌نینگ اهالی یشهش جایلری دستوری، شونینگدېک، افغانستان اهالیسی‌نینگ قریب یریمی هنوز انسانپرورلیک یاردمیگه محتاج اېکنینی تأکیدله‌گن.
مذکور تشکیلاتگه کۉره، قَیتیب کېلگنلر و اولرنی قبول قیله‌یاتگن محلی جمعیتلر قشّاقلیک، آزیق-طعام خوفسیزلیگی‌نینگ یۉقلیگی، اوی-جای تنقیصلیگی، اساسی خدمتلردن چېکلنگن فایده‌لنیش همده اقلیم اۉزگریشیدن کېلیب چیقه‌دیگن خوفلرگه دوچ کېلماقده.
حساباتده تأکیدلنیشیچه، فقط قیسقه مدتلی انسانپرورلیک یاردمی اوشبو انقراضگه جواب بېره آلمه‌یدی و اعتبار برقرار یېچیملرگه، جمله‌دن آست-قورمه‌لرنی رواجلنتیریش، ایش ا‌ۉرینلری یره‌تیش، دولت خدمتلرینی مستحکملش همده محلی جمعیتلر صلاحیتینی آشیریشگه قره‌تیلیشی لازم.
