فاریاب ده قۉراللی ناتانیش کیشی‌لر سابق حکومت بیر عسکرینی آتیب اۉلدیردی
محلی منبع‌لر گه کوره، فاریاب ده «قۉراللی ناتانیش کیشی‌لر» سابق حکومت بیر عسکرینی آتیب اۉلدیرگنلر.
منبع‌لر ۸صبح کونده‌لیگی گه ایتیشلریچه، «خاصو» اسملی سابق اوشبو عسکر ۲۱ دلو، شنبه کونی عصر پیتی المار تومنی حدودلری گه قره‌شلی «غلبله» قیشلاغیده آتیب اۉلدیریلگن.
منبع‌لر گه کوره، سابق مذکور عسکر۳۵ یاشر بولیب و قریب ییتّی ییل سابق حکومت محلی پولیس کوچلری صفی ده وظیفه بجرگن.
طالبان هم اوشبو خبرنی تصدیقلب ایتیشلریچه، قۉراللی ناتانیش کیشی‌لر بو شخص نی اولدیریش دن سۉنگ محل دن قاچگنلر.
شو بیلن بیرگه، طالبان مقتول کیشی سابق حربی بولگن یا که بولمه‌گن‌لیگی حقیده ایضاح کیریتمه‌گن.
ایتیش کېره‌ک که طالبان ایکّینچی مراتبه قدرت نی آلیشیدن کیېن مملکت نینگ ایریم حدودلریده سابق حکومت حربی‌لری نینگ سِرلی اۉلدیریش رقمی آشگن.
۱۴ دلو ده، سابق حکومت بیر عسکری ایران دن قیتگندن سۉنگ پروان ده «قۉراللی ناتانیش» آتیده‌گی کیشی‌لر تامانیدن آتیب اۉلدیریلگن اېدی.
