اۉزبېکستان ۲۰۰ مینگ دالر قیمتیده‌گی طبی و ناطبی جهازلر بیلن یاردم کۉرسه‌تدی
۸صبح، بلخ: طالبان ساغلیقنی سقلش وزیرلیگی معلوم قیلیشیچه، اۉزبېکستان بلخ ولایتیده‌گی ابو علی سینا بلخی شفاخانه‌سیگه ۲۰۰ مینگ دالر قیمتیده‌گی طبی و ناطبی جهازلرنی یاردم صفتیده تقدیم اېتگن.
وزیرلیک شنبه، ۱۰-اسد کونی ترقه‌تگن بیاناتیده اوشبو یاردم بېمارلر ا‌ۉرینلری، ناگرانللیک ارابه‌چه‌لری، موزله‌تکیچلر و شفاخانه احتیاجلری اوچون ضرور بۉلگن باشقه جهازلرنی اۉز ایچیگه آلیشینی بیلدیرگن.
طالبان‌نینگ تأکیدلشیچه، اوشبو جهازلر ابو علی سینا بلخی شفاخانه‌سی‌نینگ دوالش امکانیتلرینی مستحکملش و طبی خدمتلر صفتینی یخشیلش مقصدیده یېتکزیب بېریلگن.
مذکور یاردم افغانستان ساغلیقنی سقلش تیزیمی سۉنگگی ییللرده جهازلر تنقیصلیگی، بودجه‌نینگ قیسقریشی همده خلق‌ارا یاردملر‌نینگ چېکلنیشی بیلن یوزمه-یوز کېله‌یاتگن بیر پیتده عملگه آشیریلماقده.
