اۉزبېکستان: دنیا جماعه‌چیلیگی افغانستاننی اونیتیب قۉیگن
۸صبح، کابل: اۉزبېکستان جمهور رییسی شوکت میرضیایف، جهان نینگ ایریم مملکتلریده توقنشوولر یوز بېریشی بیلن دنیا جماعه‌چیلیگی افغانستاننی اونیتیب قۉیگن دېب ایتدی.
اۉزبېکستان محلی عاموی اخبارات واسطه‌لری نینگ گزارش بېریشیچه، ۱۴- عقرب یک‌شنبه کونی تورک دولتلری تشکیلاتی باشلیغلری نینگ اۉنینچی ییغیلیشیده نطق سۉزله‌گن شوکت میرضیایف، منطقه نینگ خوفسیزلیگی و برقرارلیگی افغانستان تینچلیک و برقرارلیگیگه باغلق دېب اظهار قیلگن.
میرضیایف نینگ تاکیدله‌شیچه: «مینگ ییللردن بویان تورک قوملری نینگ فرهنگی و تاریخی بیلن چمبر چسب افغانستان کبی نېچه قوملیک بیر یورتده تینچلیک و برقرارلیک نینگ تامینله‌نیشی، بیزنینگ منطقه‌میزده‌گی استراتیژیک امنیت و برقرارلیک نینگ اصلی شرطی سنه‌له‌دی.»
شونینگدېک اوشبو ییغینده اۉزبېکستان جمهور رییسی، افغانستان خلقی نینگ اقتصادی معمالری برطرف بۉلیشی اوچون دنیا جماعه‌چیلیگی نینگ انسان پرورلیک یاردملری دواملی بۉلیشی ضرورلیگینی ایسته‌دی.
«دنیانینگ ایریم مملکتلریده اوروش شددتله‌نیشی بیلن بیرگه، افغانستان خلقی نینگ موجود قیینچیلیکلری دنیا جماعه‌چیلیگی نینگ توجه و اعتباریدن ییراق قالگن.» دېدی جمهور رییس میرضیایف جنابلری.
عین حالده افغانستان‌ده طالبلر قیته‌دن حاکمیت تېپه‌سیگه کېلیشی بیلن، اۉزبېکستانلیک یوقاری مرتبه‌لی رسمیلر بار –بار مملکتده‌گی ترورچی گروه‌لر فعالیتیدن خواطر بیلدیریب کېلگنلر.
