سمنگان یشاوچیلری آرهسیده لفظی تارتیشوو ده بیر کیشی اۉلیب و باشقه تورت کیشی یره‌لندی
سمنگان ده طالبان محلی رسمی‌لری گه کوره، اوشبو ولایتده بیر شخص بیر کیشینی پیچاقلب و باشقه تورت کیشینی یره‌لنتیرگن.
اوشبو واقعه ۸ حوت، سه‌شنبه کونی سمنگان ولایتی مرکزی ایبک شهری ده یوز بیرگن.
سمنگان ده طالبان امنیه قوماندان‌لیگی، واقعه مذکور ولایت نینگ آلتی یشاوچیسی آرهسیده لفظی تارتیشوو دن کیېن یوز بیرگنینی ایتگن.
متهم کیشی طالبان تامانیدن قولگه آلینگن.
عین‌حالده، سمنگان ولایتی کسلخانه‌سیده‌گی منبعلر واقعه طفیلی یره‌لنگنلردن بیری نینگ ساغلیق احوالینی آغیر دیب ایتگنلر.
سۉنگی کون‌لرده سمنگان ده جنایی واقعه‌لر کوپه‌یگن.
طالبان قریب بیر آی آلدین، یالغیز سۉنگی سکیز آی ده اوشبو ولایتده جنایی واقعه‌لر گه عیبلنگن ۷۳۰ کیشی قولگه آلینگنینی ایتگن اېدیلر.
