هاکان فیدان: اوکراین اوروشی‌گه یکون یسش‌نینگ یگانه عملی یۉلی چین یوره‌ک‌دن آلیب باریلگن مذاکره‌لر دیر
تورکیه تشقی ایشلر وزیری، هاکان فیدان، اروپا و اوکراین اوروشیده اشتراک اېته‌یاتگن تامانلر اۉرته‌سیده مذاکره‌لر باشلنیشینی طلب قیلیب و اوروشنی توگه‌تیش نینگ یگانه واقعی یۉلی «صمیمی و قطعی» ملاقات‌دن اۉتیشینی ایتدی.
تاس نشری، ۶- دسامبر، شنبه کونی، خبر بېریشیچه، فیدان، دوحه شهریده‌گی بیر ییغین‌ده سۉزلگن نطقیده، امریکا نینگ واسطه‌چیلیگی بو جریانده «موفقیت احتمالینی یوقاری» قیلیشی ممکنلیگینی تأکیدلدی.
اونینگ ایتیشیچه، اروپا اوکراین بۉییچه امریکا نینگ بې‌واسطه اشتراکی‌سیز اۉز برداشلیلیگینی آشیریش اوچون «ینه‌ده ایجادکار یېچیملر» ایزلشگه مجبور دیر.
فیدان تأکیدلشیچه: حربی تۉقنه‌شوو شرایطیده هم ملاقاتنی دوام اېتتیریش ضرور و او اوروش باشلنگنیدن بېری اوکراین، اروپا همده امریکا رسمیلریگه مذاکره یۉلیدن چېکینمسلیکنی مصلحت بېریب کېلگن.
تورکیه تشقی ایشلر وزیری نینگ ایتیشیچه، مذاکره‌لر اوروشنی درحال توختته آلمسه‌ده، تامانلر و منفعتدار دولت‌لر اوچون کېنگراق امکانیتلر یره‌تیشی ممکن.
