جهان ساغلیقنی سقلش تشکیلاتی: بدخشانده ۳۷ مینگدن آرتیق کیشی ساغلیقنی سقلش بۉییچه خبردارلیک کمپنیسیدن فایده‌لندی
۸صبح، کابل: جهان ساغلیقنی سقلش تشکیلاتی (WHO)بدخشانده ساغلیق اوچون خوف-خطرلر حقیده خبردارلیک کمپایننی ۳۷ مینگدن آرتیق کیشینی قمره‌ب آلگنینی معلوم قیلدی.
اوشبو تشکیلات یک‌شنبه کونی، ۱۸-اسد، ایکس صحیفه‌سیده اوشبو کمپاین اروپا اتفاقی‌نینگ افغانستاندهگی مالیوی یاردمیده عملگه آشیریلگنی و اونینگ مقصدی اهالی اۉرته‌سیده ساغلیق اوچون خوف-خطرلر همده اولرگه قرشی قنده‌ی کوره‌شیش حقیده خبردارلیکنی آشیریش بۉلگنینی یازدی.
جهان ساغلیقنی سقلش تشکیلاتی‌نینگ اَیتیشیچه، اوشبو کمپاین‌دن فایده‌لنگنلر‌نینگ ۶۰ فایزینی عیاللر تشکیل اېتگن.
اوشبو تشکیلات اهالی‌نینگ تۉغری ساغلیقنی سقلش معلوماتلریگه اېگه بۉلیشی ینه‌ده آنگلی قرارلر قبول قیلیش همده شخصلر، عایله‌لر و جماعه‌لرنی یخشیراق حمایه قیلیش اوچون شرایط یره‌تیشینی قۉشیمچه قیلدی.
جهان ساغلیقنی سقلش تشکیلاتی ساغلیقنی سقلشگه عاید معلوماتلرنی اېنگ کۉپ احتیاج سېزه‌یاتگن جماعه‌لرگه یېتکزیش بۉییچه سعی-حرکتلر دوام اېتیشینی تأکیدله‌دی.
