یونیسف یاردمی بیلن کاپیساده یېتّی ته سوو تأمیناتی ترماغی فایده‌لنیشگه تاپشیریلدی
۸صبح، کابل: بیرلشگن ملتلر تشکیلاتی‌نینگ باله‌لر جمغرمه‌سی (یونیسف) مالیوی یاردمی بیلن کاپیسا ولایتیده یېتّی ته سوو تأمیناتی ترماغی یکونلنیب، فایده‌لنیشگه تاپشیریلدی.
طالبان نظارتیده‌گی باختر اخبارات آژانسی پنج‌شنبه کونی، ۲۷- حمل، خبر بېریشیچه، اوشبو لایحه‌لر کاپیسا ولایتیده ۱۳ میلیون افغانیدن آرتیق مبلغ عوضیگه عملگه آشیریلگن.
حساباتگه کۉره، سوو تأمیناتی ترماقلری آرقه‌لی مینگدن آرتیق عایله ساغلام ایچیملیک سوویگه اېگه بۉلدی.
اوشبو سوو تأمیناتی ترماقلری کوه‌بند، حصه دوم کوهستان و نجراب اولسواللیکلریده عملگه آشیریلگن بۉلیب، اولرنینگ مقصدی اوشبو حدود اهالیسی اوچون ساغلام ایچیملیک سووی تأمینلش دېب کۉرسه‌تیلگن.
ایتیلیشیچه، اوشبو لایحه‌لر یکونلنگه‌چ، مذکور اولسواللیکلرنینگ اَیریم حدودلریده سوو تنقیصلیگی معماسی کمه‌یگن و اهالی نینگ تازه سووگه قۉل تاپیش امکانیتی یخشیلنگن.
