جهان ساغلیقنی سقلش تشکیلاتی افغانستان بۉیلب حیاتنی سقلب قالووچی طبی خدمتلر کۉرسه‌تیله‌یاتگنینی معلوم قیلدی
۸صبح، کابل: جهان ساغلیقنی سقلش، بیرلشگن ملتلر تشکیلاتی‌نینگ فوق العاده وضعیتلرگه جواب بېریش مرکزی جمغرمه‌سی (CERF) یاردمیده افغانستان اهالیسی اوچون اساسی و حیاتنی سقلب قالووچی طبی خدمتلرنی ترقه‌تیش اوچون فعالیت آلیب باره‌یاتگنینی معلوم قیلدی.
مذکور تشکیلات پنج‌شنبه کونی، ۱۵-اسد، ترقه‌تگن حساباتیده اوشبو همکارلیک محتاج اهالی‌نینگ ضرور طبی خدمتلردن اۉز وقتیده و تېگیشلی جایده فایده‌لنیشیگه امکان یره‌تیشینی بیلدیردی.
جهان ساغلیقنی سقلش تشکیلاتی افغانستان‌نینگ تورلی حدودلریده طبی خدمتلر کۉرسه‌تیلیشینی قۉللب-قوّتله‌یاتگنینی، اوشبو خدمتلرنی تقدیم اېتووچی مرکزلردن بیری اېسه بدخشان ولایتیده‌گی «پنگانی ساغلیقنی سقلش مرکزی» اېکنینی معلوم قیلدی.
حساباتگه کۉره، «پنگانی ساغلیقنی سقلش مرکزی» اوشبو حدود و اونینگ اطرافیده‌گی قیشلاقلرده ۸ مینگدن آرتیق اهالیگه اساسی طبی خدمتلرنی کۉرسه‌تماقده.
مذکور مرکز، شونینگدېک، عیاللر و حامله‌دار آنه‌لر اوچون توغروقدن آلدینگی پرورش، توغروق خدمتلری همده آنه و باله سلامتلیگیگه عاید پرورش خدمتلرینی هم تقدیم اېته‌دی.
