دنیا ساغلیقنی سقلش تشکیلاتی: مخدرماده‌گه بېریلگنلرگه طبی خدمت کۉرسه‌تیشگه اینتیله‌میز
۸صبح، کابل: دنیا ساغلیقنی سقلش تشکیلاتی نینگ افغانستاندهگی مسوولی لو داپنگ نینگ ایتیشیچه، اوشبو تشکیلات اروپا اتفاقی یاردمیده افغانستاندهگی مخدرماده‌گه بېریلگنلرگه صفتلی و ثمره‌لی طبی خدمتلر کۉرسه‌تیشگه صادق دیر.
افغانستانده جهان ساغلیقنی سقلش تشکیلاتی ایکس اجتماعی صحیفه‌سیده ۳۰-عقرب سه‌شنبه کونی لو داپنگ اوشبو تشکیلات حمایتی آستیده‌گی ننگرهارده‌گی ۱۷۰ ا‌ۉرینلی مخدر مادّه‌لرگه بېریلگنلرنی دوالش مرکزیگه تشریف بویورگنینی یازدی.
اوشبو ساغلیقنی سقلش مرکزیگه تشریفی چاغیده لو داپنگ: “جهان ساغلیقنی سقلش تشکیلاتی افغانستاندهگی اوشبو قیین دورده مخدرماده‌دن اذیت چېکّن آدملرگه خدمتلر صفتینی یخشیلش و ثمره‌لی طبی خدمتلرنی تقدیم اېتیشنی تأمینلشگه صادق دیر” دېب تیلگه آلگن.
اوّلراق دنیا ساغلیقنی سقلش تشکیلاتی اروپا اتفاقی افغانستانده روحی سلامتلیکنی یخشیلش و مخدر مادّه‌لرنی استعمال قیلیش کسللیکلرینی برطرف اېتیش اوچون قۉشیمچه ۱۰ میلیون ېورو اجره‌تگنینی معلوم قیلگندی.
اروپا اتفاقی جهان ساغلیقنی سقلش تشکیلاتی و بیرلشگن ملتلر تشکیلاتی نینگ مخدر ماده و جنایتچیلیک بۉییچه باشقرمه‌سی بیلن همکارلیکده مرکّب روحی سلامتلیک معمالریگه برقرار یېچیملرنی ایشلب چیقیشنی خواهلشینی ایتدی.
