زلنسکی: امریکا نینگ ینگی یاردم‌لری‌سیز اوروش گه یوتقیزه‌میز
اوکراین جمهور باشلیغی ولادیمیر زلنسکی گه کوره، امریکا کی‌یف گه ینگی حربی یاردم‌لرینی تصدیقلمه‌گن حالده، مملکتی بو یاردم‌لر سیز روسیه بیلن اوروش ده یوتوقیزیشینی معلوم قیلگن.
زلنسکی بو سۉزلرنی، ۷ اپریل، یک‌شنبه کونی اوکراین متحدلریدن یاردم قولگه کېریتیش مقصدیده «یونایتد ۲۴» آتیده یولگه قوییلگن ویدیو ییغلیشده بیان قیلگن.
اونینگ کوپه‌یتیریشیچه: «امریکا نماینده‌لر کانگرسی گه آچیق اېتیشیم کېره‌ک که اوکراین نی قۉللب-قوتلمه‌گن حاللریده، کی‌یف اوروش ده مغلوب بولیشی ممکن.»
لوموند کونده‌لیگی گزارشی اساسیده، زلنسکی اوشبو ییغیلیشده کی‌یف نینگ غرب متحدلریدن بیرقطاری گه اوکراین بو اوروشده یوتقیزگن حالده، اروپالیک برچه مملکتلر روسیه تامانیدن نشانگه آلینیشیدن آگاه‌لنتیرگن.
ایتیش کېره‌ک که امریکا نماینده‌لر کانگرسی نیچه آی‌دن بېری واشنگتن نینگ اوکراین گه اونلب میلیارد دالرلیک ینگی قورال-یراغ یاردم‌لری تصدیقلنیشی گه توسیق بولگن.
جمهوری‌خواه وکیللری، امریکا نینگ اوکراین و اسراییل گه میلیاردلب دالرلیک یاردم‌لری اۉرنیده، مکسیکو بیلن چېگره‌لری خوفسیزلیگینی تامینلشینی اېسته‌گنلر.
شو بیلن بیرگه، امریکا دولتی خارج ده اوشبو مملکت نینگ منفعت‌لرینی قوریقلش اوچون کی‌یف و تل‌آویو گه حربی یاردم کورسه‌تیلیشینی مهم بهاله‌یدی.
امریکا کی‌یف نینگ متحدلریدن بیری بولیب سۉنگی ایکّی ییل ایچیده و روسیه هجومیدن کیېن، اوکراین گه میلیاردلب دالرلیک حربی و غیر حربی یاردم کورسه‌تگن.
حال بوکه، آلدینراق زلنسکی اوکراین حربی کوچلری قیین احوالده برچه اوروشدن چرچه‌گنینی اېتگن اېدی.
او ۷ اپریل، شنبه کونی اوکراین محلی بیر یېتکرمه بیلن اۉتکزگن صحبتیده فرانسه نینگ غرب مملکتلری اوکراین گه حربی کوچ یوباریش ریجه‌سینی خوش قرشی‌له‌گندی.
شونینگدیک اوکراین جمهور باشلیغی، بو مملکت نینگ قورال-یراغ‌لری یکونلنماقده‌لیگیدن آگاه‌لنتیرگن اېدی.
