کابلده بېمارنینگ آشقازانیدن یوتیلگن ۳۰ دانه میخ چیقریب آلیندی
۸صبح، کابل: کابلدهگی سردار محمد داوود شفاخانهسی شفاکارلری بېمارنینگ آشقازانیدن ۳۰ دانه میخنی چیقریب آلگنینی اَیتماقده.
اوشبو شفاخانه مسووللری سهشنبه، ۲۴-سنبله کونی بېرگن بیاناتیده عصمتالله اسملی بېمار ۳۰ دانه میخنی یوتیب یوبارگنینی معلوم قیلگن.
اولرنینگ اَیتیشیچه، بېمارنینگ احوالی جدّی و حیات اوچون خوف توغدیریشی ممکن بۉلگن اسارتلرنینگ آلدینی آلیش اوچون شاشیلینچ طبی ارهلشوونی طلب قیلگن.
بیاناتگه کۉره، اندوسکوپی بۉییچه متخصصلر گروهی آچیق جراحلیک عملیاتیگه احتیاج سېزمسدن، مخصوص اصوللر یاردمیده برچه میخلرنی بېمارنینگ آشقازانیدن چیقریب آلگن.
بیراق میخلرنی یوتیب یوباریش سببی و اولرنی چیقریب آلگندن کېینگی بېمارنینگ حالتی حقیده قۉشیمچه معلومات بېریلمهگن.
