شمالی کوریا هیأتی مثلی کوریلمه‌گن حرکت ده ایران گه سفر قیلگن
شمالی کوریا نینگ خلق‌ارا سودا وزیری یون جونگ هو ییتکچیلیگیده اوشبو مملکت هیأتی ایران نی یقیندن کوزه‌تماقده‌لر.
شمالی کوریا رسمی آژانسی نینگ گزارشی اساسیده، یون جونگ هو ۲۳ اپریل، سه‌شنبه کونی پیونگ یانگ نی ایران مقصدی گه ترک اېتگن.
بیراق اوشبو آژانس بوتوغریده کوپراق ایضاح کېریتمه‌گن.
عین‌حالده، رویترز آژانسی شمالی کوریا و ایران هردایم بالستیک راکته‌لر ایشلب چیقریش اینیقسه تکنالوژی و اونینگ قسملرینی ایشلب چیقریش گه عیبلنگنلرینی یازگن.
رویترز اۉتگن آی ترقه‌تگن گزارشیده، ایران بیرقنچه زمین‌به‌زمین بالستیک راکته روسیه گه بیرگنی حقیده خبر بیرگن اېدی.
باشقه تاماندن، اوکراین رسمی‌لری روسیه کی‌یف گه قرشی اوروشده شمالی کوریا نینگ ایشلب چیقرگن راکته‌لریدن قوللنیشنی ادعا قیلگنلر.
شو بیلن بیرگه، پیونگ یانگ بونده‌ی همکارلیکنی رد قیلگن.
عین‌حالده، بیرلشگن ملتلر تشکیلاتی نینگ شمالی کوریا تحریملرینی نظارت اېتیش ایش بیلرمان‌لریدن بیر گروه، ۱۳۹۹ ییلده تهران و پیونگ یانگ ۲۰۲۰ییلدن باشلب اوزاق مسافه‌نی اۉره‌دیگن و اوشبو راکته‌لرنی انتقال بیره‌دیگن اوسکونه‌لر خصوصیده همکارلیکلرینی قیته باشله‌گنلرینی اعلام قیلگن اېدی.
