اېرککلر کانکوری نینگ شاو – شوویگه امید؛ بیر قیز اوچ مملکتدن تحصیلی پیشنهاد آلدی
قیز اۉقووچیلر حضوریسیز، طالبلر کنترولی آستیدهگی سیناو ملی ادارهسی تامانیدن کانکور سیناوی نینگ عمومی نتیجهسی اعلان قیلینیشی بیلن بیرگه، اوروش اۉپقانیگه ایلنگن شغلی و تحصیلی چېکلاولرگه رۉپه ره بۉلگن یورتده ایریم قیزلر هم بارکه بوتون کوچ و قوتی بیلن اۉزیگه تحصیلی فرصتنی یرهتیش اوچون کورهشهدی.
اوشبو سیناو نتیجهسی اعلان قیلینیشی آرتیدن، قیغو و امیدسیزلیک ینه بیر یوله قیز اۉقووچیلر ایزیدن توشدی. اولرنی ینه بیر مرته کانکور سیناوی اوچون قتیق تیارگرلیک کوریش و کېچهلرنی اویقوسیز اۉتکزیش خاطرهسینی اېسلهدی، دی یو – قیغو النگهلری چۉغینی تازههلهدی. قیز اۉقووچیلرنینگ برچه چېککن محنتی هیچ قندهی ثمرهسیز اۉز پایانیگه یېتدی. تهمینه، شمسیه و سلگی قیزلری حضوریده سیناو نتیجهسی افغانستان کانکور سیناوی تاریخی اوچون بیر خاطره بۉلسه اېدی احتمال. بیراق، اېرککلرگه خاص کانکور امتحانی نینگ اعلان قیلیش محیطیده، تمنا کبی قیزلر هم بارکه طالبلرنینگ زنستیزانه حاکمیتیدن آلیس – آلیسلرده قۉشنی مملکتلردن بیریده کۉپ سعی و حرکتلر بیلن یخشی بیر تحصیلی فرصتنی تاپگن دیر. تمنانینگ تنگدستلیکلر و یات اولکهده بار- بار سرکۉپ بۉلیشیگه قرهمهی، تحصیلنی دوام بېریش مقصدیده امریکا، کانادا و ینگی زلاند کبی دنیانینگ بېشته ایری کالجلریدن پیشنهاد قۉلگه کېلتیرگن. کانکور شاو شولر ایچیده بوندهی بیر فرصتنی اېشیتیش امید بېروچی و افغانستانده تحصیل حقوقیدن محروم قالگن باشقه قیزلرگه یۉل آچیلیشی اوچون بیر کیچک یارقینلیک دیر.
تمنا ۱۷ یاشیده. او تۉقیزینچی صنف نینگ اۉقووچیسی اېدی و طالبلرنینگ قیتهدن حاکمیتگه قیتیشی اونی تحصیلنی دوام بېریشدن قۉیدی. بیر قنچه وقتنی تحصیل حقیدن محروم اېتیلگن بیر قطار قیزلر یانیده اوییده، باشی بېریک کۉچهده ایلهنیب قالگنلیکده اۉتکزهدی و اۉزینی بوندهی بیر وضعیتدن قندهی قیلیب چیقاریشنی بیلمهیدی. اونی بو چلکشلیکدن چیقارهدیگن بیرینچی نرسه، کېلهجککه بۉلگن امید و آرزولریگه اېریشیش اوچون بیرگن تعهدی دیر. اونینگ اۉزیگه بېرگن وعدهسی طالبلرنینگ قتیق چېکلاولری ایچیده اېنگ کېچک فرصتدن فایدهلهنیشگه اوندهیدی و چېت اېلده تحصیلی فرصت یرهتیلیش آرتیدن یوگورهدی. لېکن، هنوز اۉرته مکتبنی بیتتیرمهگنی باعث قندهی دیر بیرار مملکت نینگ کالجلریدن بیرگه کیره آلمهیدیگن بیر وقتده، تمنا بوندهی بیر تحصیلی بورسیهنی قۉلگه کېلتیریشی هم ساده بیر ایش اېمس اېدی.
او مملکتلردن بیری تامانیدن قبول بۉلیشی اوچون، تۉقیزینچی و اۉنینچی صنفلرنی بیتتیریب و کېین کالج دورهسی اوچون درخواست بېریشی کېرهک دیر. کېچه و کوندوزنی تحصیلی بورسیهلردن بیریگه کیریش یۉللرنی قیدیریشده اۉتکزهدی. نهایت، تحصیلی فرصتنی یرهتیش اوچون دستلب انگلیسی تیلنی تافل یا آیتلس سویهسیده بیلیشی ضرور بۉلهدی، انگلیس تیلینی معتبر بیر سویهگه بیلیشی بورسیهلر باسقیچینی آسان اېتهدی. طالبلرنینگ قیزلرگه اۉقیش نینگ برچه اېشیکلرینی یاپگن و قتیق چېکلاولرنی اولرگه یرهتگنیگه قرهمهی، یامان قیین چیلیک جملهدن اقتصادی معماگه قرهمسدن انگلیس تیلینی اۉرگنیشده دوام بېرهدی. بو تیلنی اۉرگنگندن سۉنگ، تافل حجتینی آلیش اوچون او اوشبو تیل بۉییچه بیلیم درجهسی بۉییچه امتحاندن اۉتدی و ۸۵% تۉپلهگن حالده تافل حجتینی آلیشگه موفق بۉلدی. یخشی تحصیل امکانیتلریگه اینتیلیش انگیزهسینی آشیرهدیگن حجتنی آلگندن کېین، او ایشگه کیریشهدی و سعی – حرکتلرینی کۉپهیتیرهدی. خوفسیز جایدن و تشویشسیز بورسیه آلیش مقصدیده قۉشنی دولتلردن بیریگه بارهدی. او یېرده اۉقیشنی دوام اېتتیریشگه موفق بۉلدی تۉقیزینچی و اۉنینچی – صنفلرنی افغانلر اوچون مخصوص مکتبلردن بیریده دوام اېتتیردی. او یېرده اۉقیشنی دوام اېتتیریش امکانسیزدېک تویولسه-ده، اما دایمی التماس بیلن او موفقیتگه اېریشهدی. ایکّی ییل ایچیده درسلری یانیده، بیر قنچه اروپا مملکتلری کالجلرینی هم نظری آستیگه آلهدی و او یېرده تحصیلنی دوام بېریش فرصتلرینی کوزهتیب بارهدی. او بو مدت ایچیده ینه هم اۉزی نینگ قابلیتینی آشیریشگه اولگورهدی و کالجلرگه کیریش اوچون ضرورت بۉلگن معیارلرنی تکمیل قیلیشگه باشلهیدی. اۉنینچی صنفنی بیتتیرگندن سۉنگ، تحصیلنی دوام بېریش مقصدیده بیر نیچه اروپا و امریکا دولتلریگه درخواست بېرهدی. او بار – بار پیام آلهدی، لېکن ینه هم امیدسیز بۉلمهی دوام بېرهدی. آسان بۉلمهگن یۉللرنی باسیب اۉتیش بیلن، تمنا حلی امریکا، کانادا و ینگی زلاند مملکتلری نینگ بېشته خصوصی کالجلریدن اۉن بیرینچی و اۉن ایکّینچی صنفلر یا کالج دوریگه دوام بېریش اوچون پیشنهاد نامه آلهدی.
بو مکتوبلرنی آلگچ، اولرنی آلیش اوچون باشدن کېچیرگن چرچاق و مشقتلرنی اونوتهدی. او مذکور کولجلرده ینگی اۉقووچیلرنینگ اقتدارینی بیرین – کېیتن تېکشیریش اوچون تاپشیریلهدیگن سیناولردن موفقیتلی اۉتهدی. تورلی کولیجلر بیلن صحبت باسقیچیده، اونی ینه باشی بېرک کۉچهگه سالیب قۉیهدیگن یگانه نرسه – بو اونینگ تعلیمی اوچون کتّه خرجتلرنی تۉلش دیر. شو سببلی، او اۉقیش تۉلاویدن چېگیرمه آلیش اوچون کولجلرگه حجت تاپشیریشگه قرار قیلهدی. اوشبو کولجلردن بیری، امریکاده جایلشگن North Cedar Academy اونی تورلی کورس تېستلریده تۉپلهگن یخشی بهالری اساسیده ۸۰% چېگیرمه، یعنی ۴۶ مینگ دالر بیلن طلبه صفتیده قبول قیلهدی. بېریلگن چېگیرمهگه کۉره، او اۉقیش اوچون قالگن ۲۰%، یعنی ۱۱ ۶۰۰ دالرنی بیر هفتهدن سۉنگ تۉلهشی شرط، شونده اولر اونگه ویزه بېریشلری ممکن. افغانستان نینگ یامان اقتصادي شرایطیده اونینگ عایلهسی بو مبلغنی تۉلشگه قادر اېمس دیر. شو باعث، تمنا یکّه اۉزی اجتماعي ترماقلرده قالگن مبلغنی ییغیش کمپاینینی باشلب یوباردی و محنتی ضایع کېتمسلیگی اوچون یورتداشلریدن اۉقیشینی دوام اېتتیریشگه یاردم بېریشلرینی سۉرهدی. اونگه کوره: «همهمیز یاردمگه محتاج بۉلگن وضعیتده بیر- بیریمیزنینگ قۉلیمیزنی اوشلب توریشیمیز کېرهک.»
تمنا، طالبلر حاکمیتی رهبرلریکی قیزلرنی کانکور عمومی سیناویگه کیریشگه رخصت بیرمهگن و نتیجه اعلان بۉلگنده بو سیناوده هیچ بیر قیزنینگ بۉلمهگنی اوچون، قیزلرنی هیچ بیر پیت امیدسیز بولمسلیکلری و طالبلرنینگ زنستیزانه قانونلرگه چېکلنمس لیکلرینی سۉرهیدی. اونینگ ایتیشیچه، هر بیر معما نینگ یېچیمی بار و قیزلر افغانستاندن تشقریده تعلیم آلیش امکانیتیگه اېگه بۉلیشلری و حوصلهسی پیر بۉلیش اۉرنیگه حاضرگی انقراضدن چیقیش یۉلینی تاپیشلری کېرهک. اۉزینگیزگه یۉل آچیشگه حرکت قیلینگ. آلدینگه یۉل هر دایم آچیق، فقط اونگه بارینگ. بیزنینگ مقصدلریمیز اوچون هېچ کیم جوابگر اېمس. آرزولریمیزگه اېریشیش اوچون اۉزیمیز مسوولمیز.
شونینگدېک، او خلقارا همجمعيتدن تعلیم آلیش حقوقیدن محروم بۉلگن افغان قیزلری آوازیگه قولاق سالیشنی و افغان عیاللری نینگ تعلیم آلیش معماسینی حل قیلیش اوچون چاره کۉریشنی سۉرهیدی. شو طریقه قیزلر عالي اۉقوو یورتلری، مکتب و کولجلرگه قَیتیب، اۉقیشنی دوام اېتتیریشلری ممکن.