طالبان مرکزی کوچلر قوماندانی بویروغی بیلن بدخشانده اویمه – اوی تینتاو قیلیش باشلندی
۸صبح، بدخشان: بدخشانده‌گی محلی منبعلرنینگ ایتیشیچه، اوشبو ولایتده‌گی طالبان امنیه قوماندانی قاری واصل نینگ اوییگه راکت آتیلگندن آرتیدن، بو گروه تامانیدن فیض آباد شهریده اویمه – اوی تیناو قیلیش باشلنگن.
محلی منبعلر ۱۳ قوس دوشنبه کونی، ۸صبح کونده‌لیگیگه خبر بېریب ایتیشیچه، طالبان ملی کوچلر باش قوماندانی فصیح‌الدین فطرت نینگ بدخشان ولایتیگه سفر قیلگندن بیر کون سۉنگ، اونینگ بویروغی اساسیده شهرده‌گی اویلر تینتاو قیلینگن و ایریم موردلرده اېسه اهالی توهین اېتیلگن.
شونینگدېک منبعلر اویمه – اوی تیناو قیلیش دستوری فیض آبادده بو گروه امنیه قوماندانی اویی اطرافیده‌گی ۱۱۵اوی جمله‌دن ولایت والیسی نینگ قوراللی کیشلری توره‌دیگن ولایت مقامی مهمانخانه‌سی هم شامل دیر.
منبع نینگ کۉپه‌یتیریشیچه، اویمه -اوی تېکشیریش دستوری فصیح الدین‌گه وفادار ولایت امنیه قوماندانی قاری واصل اوییگه راکت آتیلگندن کېین عملگه آشیریلماقده.
قاری واصل حمله‌‌گه طالبان والیسی آدملری نینگ قۉلی بارلیککه عیبله‌گن دېب ایته‌دی منبع.
طالبلر تامانیدن اویلر تېکشیریلشی ینگی مورد اېمس.
طالبان بوندن آلدین هم کابل شهری قۉشیمچه ایریم ولایتلرده اویمه – اوی تلاشی قیلیش دستورینی عملگه آشیرگن اېدی.
