روسیه ده حربی بیر تیک‌اوچر قۉلشی عاقبتیده اوچ کیشی هلاک بولدی
روسیه رسمی‌لری اوشبو مملکت نینگ شمالی ده بیر حربی تیک‌اوچر قوله‌گنیدن خبر بیرگنلر.
رویترز نینگ گزارشی اساسیده، بو تیک‌اوچر ۴ فبروری، یک‌شنبه کونی رادار دن چیققن اېکن و قالدیق‌لری بوگون «کارلیا» منطقه‌سیده‌گی دریاچه دن تاپیلگن.
اوشبو تیک‌اوچر قۉلشی طفیلی اوچ خدمه‌سی جان بیرگنلر.
روسیه اضطراری شرایط وزیرلیگی بیر بیانیه ترقه‌تیب یازیشیچه: «بو تیک‌اوچر مشق ماموریتی پیتیده تجربه‌لی کیشی تامانیدن باشقریلگن.»
مذکور تیک‌اوچر نینگ قۉلش دلیلی حاضرگچه بیللی اېمس.
ایتیش کېره‌ک نیچه کون آلدین گاردین کونده‌لیگی اوکراین‌لیک منبعلر دن نقل قیلیب بو مملکت اردوسی روسیه گه عاید ایلیوشین-۷۶ حربی اوچاق‌نی بلگورود منطقه‌سیده اۉریب توشیرگنینی ایتگندی.
اوشبو گزارش اساسیده، اوکراین‌لیک حربی منبعلر، بو اوچاق ۶۳ یولاوچیسی بیلن که برچه‌سی اولگن، اس-۳۰۰ هوا گه ضد موشک‌لرنی بلگورود گه انتقال بیریش پیتیده اۉریب توشیریلگن.
