ننگرهار ده طالبان جنگری‌لری نینگ توقنشووی عاقبتیده بیر ییگیت هلاک بولدی
۸صبح، ننگرهار: ننگرهارده‌گی محلی منبعلر نینگ ایتیشلریچه، اوشبو ولایتده طالب جنگری‌لری نینگ قوراللی توقنشووی عاقبتیده بیر ییگیت هلاک بولگن.
منبعلر نینگ ۸صبح کونده‌لیگی گه ایتیشلریچه، بو واقعه ۱۰ حمل، جمعه کیچه جلال‌آباد شهری ییتینچی ناحیه حدودلریده تراویح نمازی اوقیلیشیدن کیین یوز بیرگن.
منبعلر گه کوره، نظیف‌‌الله اسملی کیشی باشی گه اوق تېگیشی طفیلی هلاک بولگن.
اوشبو قوراللی توقنشوو سببی حاضرگچه معلوم اېمس.
طالبان هم بوتوغریده حاضرگچه فکر-ملاحظه بیلدیرمه‌گن.
ایتیش کېره‌ک که طالبان ایکّینچی مرته قدرت‌نی آلیشیدن سۉنگ هردایم اولکه یشاوچیلری بو گروه جنگری‌لری نینگ قوراللی توقنشوو قربانی بولگنلر.
ننگرهار ده ۱۸ جدی ده بیر ییگیت «یاقیلغی یاغاچ» ییغیش اوچون تاققه بارگندی، طالبان جنگری‌لری تامانیدن نشانگه آلینیب اۉلدیریلگن.
