عبداللهیان: طالبلر داعش اېمسلر؛ بلکه بوگونکه افغانستان حقیقتی‌نینگ بیر قسمی
۸صبح، کابل: ایران تشقی ایشلر وزیری حسین امیر عبداللهیان طالبلر داعش اېمسلر؛ بلکه بوگونکه افغانستان حقیقتی نینگ بیر قسمی دېب ایتگن.
ایران یېتکرمه‌لری نینگ گزارش بېریشیچه، عبداللهیان بو تۉغریده‌گی سۉزلرینی ۱۸- قوس شنبه کونی ایران‌ده محصللر حضوریده تیلگه آلگن.
اونینگ سۉزلریگه کۉره، افغانستان‌ده کېنگ قمراولی دولت حاکم بۉلیشی کېره‌ک و ایران نینگ بو تۉغریده دیپلماتیک سعی و حرکتلری جریانی بار.
باشقه بیر تاماندن، ایران تشقی ایشلر وزیری: «طالبان داعش اېمسلر؛ بلکه بوگونکه افغانستان حقیقتی نینگ بیر قسمی‌لر و طالبلرنینگ بیر بۉلیمی بوگون داعش بیلن کورشه‌دی و بو قۉشنی مملکت خوفسیزلیگی و برقرارلیگی اوچون کۉپراق سعی و تلاشک قیلیشیمیزکېره‌ک.» دېب ایتگن.
ایران حاضرگی کونده بېیش میلیون افغانستانلیک مهاجرگه میزبانلیک قیله‌دی دېب علیحده تیلگه آلگن او.
عبداللهیان بوندن آلدین داعش نینگ یېریک قوماندانلری همده رهبرلری عراق، سوریه و لیبیادن افغانستانگه کۉچیب اۉتگنلر دېب هم تیلگه آلگن اېدی.
شونینگدېک سابق حکومت نینگ بعضی بیر بلند مرتبه‌لی رسمیلری طالبلرنینگ داعش بیلن موافق دېب توشینه‌دیلر.
طالبان حاکمیتینی قیته اۉرنه‌تیب آلگندن بویان، قۉشنی مملکتلر هر دایم افغانستان‌ده ترورچیلیک کېنگه‌یگنی باره‌سیده خواطر بیلدیریب کېلگنلر.
عین حالده، طالبلر سۉنگی ایکّی ایچیده ایران بیلن یقین علاقده بۉلیب کېلگن.
