نورستان‌ده‌گی اۉلیملی سوو تاشقینیدن سۉنگ؛ جهان ساغلیقنی سقلش تشکیلاتی خوفسیزلیک قاعده‌لریگه رعایه قیلیشگه چقیردی
۸صبح، کابل: جهان ساغلیقنی سقلش تشکیلاتی (WHO) افغانستانده یوز بېرگن سۉنگگی سوو تاشقینلریدن سۉنگ اهالیدن سوو تاشقینی وقتیده تېزکار قرار قبول قیلیش و خوفسیزلیک قاعده‌لریگه رعایه اېتیش آرقه‌لی اۉزلری همده عایله‌لرینی حمایه قیلیشنی سۉره‌دی.
اوشبو تشکیلات سه‌شنبه کونی، ۳۰-سرطان، ایکس اجتماعی ترماغیده اعلان قیلگن خبریده سوو تاشقینلری خوفلی اېکنینی، بیراق بیر نېچه عادی خوفسیزلیک قاعده‌لریگه عمل قیلیش آرقه‌لی اولر‌نینگ خوفیدن سقلنیش ممکنلیگینی بیلدیردی.
جهان ساغلیقنی سقلش تشکیلاتی سوو تاشقینی صادر بۉلگنده آقه‌یاتگن سوودن و درحال یوزه‌گه کېله‌دیگن خوفلردن اوزاقده توریش انسانلر حیاتینی سقلب قالیشی ممکنلیگینی قۉشیمچه قیلدی.
تشکیلات، شونینگدېک، سوو تاشقینی وقتیده موتر ایچیده بۉلگن شخصلرگه ترانسپورت واسطه‌سیدن چیقمسلیکنی توصیه اېتدی.
اۉتگن کون نورستان ولایتی‌نینگ مرکزی پارون شهریده یوز بېرگن سوو تاشقینی عاقبتیده ۲۰ کیشی هلاک بۉلدی، ۸۰ کیشی یره‌لندی و ینه ۱۰۰ کیشی بې‌درَک یۉقالگنی معلوم قیلیندی.
سۉنگگی سوو تاشقینلری افغانستان‌نینگ اَیریم حدودلریده کېنگ کۉلملی انسانی و مادّی تلفاتلرنی کېلتیریب چیقردی.
