امریکا ایران گه ینگی تحریم‌لرنی وضع قیله‌دی
آق‌سرای ملی خوفسیزلیک مصلحتچیسی جیک سالیوان، امریکا کېله‌سی نیچه کون ایچیده ایران نینگ راکته و پهپادی ریجه‌لری گه قرشی ینگی تحریم‌لرنی وضع قیلیشینی معلوم قیلگن.
آق‌سرای ۱۶ اپریل، سه‌شنبه کیچه ترقه‌تگن بیانیه‌سیده سالیوان دن نقل قیلیب یازیشیچه، ایران نینگ اسراییل گه قرشی مثل‌سیز هوا هجوملریدن سۉنگ، امریکا جمهور باشلیغی جوبایدن اۉز شریکلری جمله دن ییتّی گروه مملکتلر و اوشبو مملکت نینگ کانگرسیده جمهوری‌خواه و دموکرات حزب رهبرلری اویغون‌لیگی بیلن، تهران گه قنده‌ی جواب قیتیریشنی محاکمه قیلماقده.
اونینگ کوپه‌یتیریشیچه: «امریکا کېله‌سی کونلرده ایران نینگ راکته و پهپادی، سپاه پاسداران و مذکور مملکت مدافعه وزیرلرلیگی گه قرشی ینگی تحریم‌لرنی وضع قیلیشی ممکن.»
امریکا مدافعه وزیرلیگی و مرکزی قوماندان‌لیگی اۉرته شرق‌ده ایران نینگ راکته هجوملری آلدی آلینیشی اوچون مدافعه تېزیملرینی کوچلنتیریش گه دوام بیره‌دی دیگن، جیک سالیوان.
آلدینراق امریکا مالیه وزیری جانت یلن، ایران نینگ اسراییل گه سۉنگی هجومی و غزه، لبنان، یمن و عراق ده تهران تامانیدن دستکلنه‌دیگن شبه‌نظامی گروه‌لر نینگ مالی قۉللب-قوتلنیشی اۉرته شرق‌ده ثبات نی تهدید قیلیشیدن آگاه‌لنتیرگن.
عین‌حالده، اۉتمیش ده واشنگتن اۉرته شرق ده شبه‌نظامی‌لر ایران تامانیدن قۉللب-قوتلنیشی سبب، بو مملکت گه قرشی تحریم‌لرنی وضع قیلگن اېدی.
