ایران بیر عسکری بېش صفداشینی اۉلدیردی
ایران یېتکیرمه‌لری نینگ گزارشی اساسیده، اوشبو مملکت نینگ بیر عسکری کرمان ولایتیده بېش صفداشینی آتېب اۉلدیرگن.
ایرنا آژانسی معلوماتی گه کوره، بو واقعه ۲۱جنوری، یک‌شنبه کونی، زرند شهری حربی بارک ده یۉز بېرگن.
ایران نظامی‌لریدن بېری امیر غلام‌علیان گه کوره، واقعه گه عیبلنگن کیشی اوشبو مملکت پولیسی تامانیدن قولگه آلینگن.
بو هجوم سببی حاضرگچه بیللی بولمه‌گن.
کرمان ولایتی ایران پایتختی تهران نینگ ۸۳۰ کیلومتر جنوب‌شرقی ده جایلشگن.
کرمان ولایتیده اۉیوشتیریلگن هجوم که ۹۴ کیشی نینگ اۉلیمی گه ضامن بولدی، ۱۸ کون اۉتگچ یوز بیرگن.
مذکور هجوم مسوولیتینی داعش گروهی تن آلگن.
کرمان ولایتیده ۳ جنوری، سپاه پاسداران سابق قوماندانی قاسم سلیمانی نینگ وفاتی ییللیگی مناسبتی بیلن ییغیلیش ده خودکش هجوم یوز بیرگندی.
