عراقچی: امریکا هرمز بۉغازینی قَیته آچیش اوچون ایرانگه تاوان پولی تۉله‌شی کېره‌ک
ایران تشقی ایشلر وزیری عباس عراقچی، ر اۉرته‌سیده هرمز بۉغازیده حرکتلنیش‌نینگ ینگی میکانیزمی بۉییچه مذاکره‌لر کېلیشووگه یقینلشگنینی، بیراق اوشبو سوو یۉلی‌نینگ قَیته آچیلیشی امریکا تامانیدن کېلیشوو‌نینگ بوزیلیشی حالتلری اوچون تاوان تۉله‌ش شرطی بیلن باغلیقلیگینی اَیتدی.
عراقچی شنبه کونی، ۸ اگست، هرمز بۉغازی‌نینگ قَیته آچیلیشی باشقه شرطلرگه هم باغلیقلیگینی و بو مسأله فقط عمان بیلن کېلیشوو بیلن چېکلنمسلیگینی اَیتدی.
او ایران «اسلام‌آباد کېلیشووی‌نینگ بوزیلیشی» دېب حسابله‌یاتگن حالتلر اوچون امریکا، ایرانگه تاوان تۉله‌شی کېره‌کلیگینی قۉشیمچه قیلدی.
هرمز بۉغازی دنیاده‌گی نفت و انرژی تشیش‌نینگ اېنگ مهم یۉللریدن بیری بۉلیب، اونینگ یاپیلیشی انرژی تشیلیشی و جهان اقتصادیاتیگه تأثیر کۉرسه‌تیشی ممکن.
ایران و امریکا اۉرته‌سیده‌گی کېسکینلیکلر کوچه‌ییشی آرتیدن اوشبو سوو یۉلینی قَیته آچیش منطقه‌ده‌گی مهم مسأله‌لردن بیریگه ایلنگن.
