برادر وحیدیگه: یېنگیل عیبلاو بیلن قماققه آلینگن افغان محبوسلری آزاد قیلینسین
۸صبح، کابل: طالبان ریاست الوزراء اقتصاد اۉرین باسری ملا عبدالغنی برادر ایران ایچکی ایشلر وزیری بیلن اوچره‌شگنده، رسمی تهران‌دن یېنگیل عیبلاولر بیلن قماققه تشلنگن افغانستانلیک محبوسلرنی آزاد قیلیب و قالگنلرنی بو گروه‌گه تاپشیریشنی سۉره‌گن.
طالبان ریاست الوزراء اقتصاد اۉرین باسرلیگی ۱۵-عقرب دوشنبه کونی بیر خبرنامه نشر قیلیب، ملا برادرنینگ ایران اسلام جمهوریتی ایچکی ایشلر وزیری احمد وحیدی بیلن اوچره‌گشنینی بیلدیرگن.
ملا برادرنینگ بو ملاقاتده ایتیشیچه، طالبان و تهران اۉز همکارلیکلرینی اقتصاد و خوفسیزلیک تۉغریسیده دوام بېرسینلر، چونکه اونینگ سۉزلریگه کۉره، افغانستان برقرارلیگی منطقه و دنیانینگ فایده‌سیگه دیر.
شونینگدېک بو اۉرین باسرلیک نینگ وحیدیگه اساسلب ایتیشیچه، ایران افغانستان صادراتی کۉپه‌ییشی اوچون بو مملکت محصولات ترانزیتینی اۉز توپراغیدن اولویتگه قۉیه‌دی تاکه افغانستان صادراتی آشسه.
افغان قاچقینلری یخشی راق منسجم بۉلیشی و اولرنینگ قیینچیلیکلریگه یېتیشیش اوچون تهران و طالبان اۉرته‌سیده قۉشمه بیر کمیته تشکیل بۉلسین دېگن ایران ایچکی ایشلر وزیری.
عین حالده، طالبلر ریاست الوزراء اقتصاد اۉرین باسری اۉتگن کون ایران تشقی ایشلر وزیری امیر عبداللهیان بیلن هم ملاقات قیلگن اېدی.
سۉنگره او، ایران رهبری علی خامنه‌ای و بو مملکت ملی خوفسزلیک کېنگشی کاتبی علی‌اکبر احمدیان بیلن هم اوچره‌شیب تورلی مساله‌لرنی محاکمه قیلگن اېدی.
