قولگه آلینیش‌لر دوامی؛ طالبان کابل-دایکندی یۉنه‌لیشیده سابق بیر عسکر نی قولگه آلدی
محلی منبع‌لر سابق حکومت ایچکی ایشلر وزیرلیگی نینگ بیر عسکری کابل-دایکندی یونه‌لیشیده طالبان تامانیدن قولگه آلینگنیدن خبر بیره‌دیلر.
منبع‌لر نینگ ۸صبح کونده‌لیگیگه ایتیشلریچه، رضا مجاهدزاده اسملی اوشبو سابق عسکر ۲۰ دلو، جمعه کونی، میدان وردک ولایتی نینگ کېریش اېشیگیده طالبان تامانیدن قولگه آلینگن.
رضا دایکندی ولایتی اصلی یشاوچیسی بولیب و سابق حکومت قولشیدن سۉنگ کابل-دایکندی یۉنه‌لیشیده «هیداوچیلیک» قیلر اېدی.
طالبان بوتوغریده حاضرگچه فکر-ملاحظه بیلدیرمه‌گن.
اوشبو گروه سۉنگی اۉچ کون اېچیده دایکندی یشاوچیلری بولگن سابق حکومت ایکّی عسکرینی کابل-دایکندی یۉنه‌لیشیده قولگه آلیب و نامعلوم جای گه آلیب کیتگنلر.
ترقه‌لگن معلومات‌لر اساسیده، طالبان اۉتگن هفته پنج‌شنبه کونی دایکندی ولایتی شهرستان تومنیده سابق حکومت نینگ جنایی جرم‌لر گه قرشی کوره‌ش آمری محمدرضا حکمتیار نی اوشبو ولایت گه باریش پیتیده میدان وردک ولایتی جلریز تومنی حدودلریده حبس گه آلگنلر.
بونگه قوشیمچه، بو گروه سۉنگی بیر هفته اېچیده پنجشیرده سابق حکومت نینگ چمه‌سی اوچ عسکرینی قولگه آلگن.
