«ییر ساعتی»؛ یوناما: بو کېچه اوی‌لرینگیز نینگ چیراق‌لرینی بیر ساعت‌گچه اۉچیرینگ
۸صبح، کابل: بیرلشگن ملتلر تشکیلاتی نینگ اۉرین باسرلیک هیأت دفتری (یوناما) «ییر ساعتی» مناسبتی بیلن، افغانستان یشاوچیلریدن ۴ حمل شنبه کیچه ساعت ۸:۳۰ دن باشلب اوی‌لری نینگ چیراق‌لرینی بیر ساعت‌گچه اۉچیریش‌لرینی اېسته‌گن.
یوناما ۴ حمل، شنبه کونی ایکس صحیفه‌سیده، خلق‌ارا بو اقدام اقلیم اۉزگریشی گه قرشی کوره‌ش اوچون کّته فرققه سبب بولیشی ممکن دیب یازگن.
ییر ساعتی، خلق‌ارا طبیعت صندیغی (WWF) و شریک‌لری تامانیدن ۲۰۰۷ ییل‌ده قوریلگن و حاضر دنیا بویلب ۱۸۰ دن آرتیق مملکتده یولگه قوییله‌دی.
مذکور نهاد هر ییلی برچه عایله‌لر و کسب‌وکارلری بولگنلردن بیر ساعت‌گچه ضروری بولمه‌گن چیراق‌لرینی اۉچیریشنی سۉره‌یدی.
خلق‌ارا بو اقدام‌دن مقصد، اقلیم اۉزگریشی خصوصیده آگاهی‌لیک تاپیش و برق‌دن احتیاط‌کارلیک بیلن فایده‌لنیش دییلگن.
