پنتاگون: امریکا ایران بیلن اۉروش قیلیش آرتیده اېمس
امریکا مدافعه وزیری لوید آستین، مملکتی ایران بیلن اۉروش قیلیش آرتیده اېمس بیراق اردن ده بو مملکت نینگ حربی قرارگاهی ده اۉیوشتیریلگن هجوم گه جواب قیتیریشیدن آگاه‌لنتیرگن.
آستین ۲۹ جنوری، دوشنبه کیچه، واشنگتن ده ناتو باش کاتبی ینس استولتنبرگ بیلن اۉچره‌شووده او و جوبایدن حربی‌لری گه قرشی هجوم نی تحمل قیله آلمسلیگینی معلوم قیلگن.
او نینگ کوپه‌یتیریشیچه: «امریکا قوشمه ایالتلری و کوچلریمیز دن دفاع قیلیش اوچون برچه چاره تدبیرلر نی کوره‌میز.»
شو بیلن بیرگه، امریکا تشقی ایشلر وزیری آنتونی بلینکن گه کوره، بو جواب نېچّه سطحی بولیب و تورلی باسقیچ‌لر ده عملگه آشیریلیشی ممکن.
رویترز گزارشی اساسیده، امریکا رسمی‌لری اۉرته شرق ده وضعیت کېسیکن‌لشسنی اېستمه‌یدیلر.
پنتانگون نینگ ایشانچی گه کوره، ایران هم امریکا بیلن اۉروش قیلیش آرتیده اېمس دیر.
پنتاگون سوزلاوچیسی سابرینا سینگ بوتوغریده خبرچیلر گه ایتیشیچه: «بیز البته اۉروش آرتیدن اېمس‌میز و ایران هم امریکا قوشمه ایالتلری بیلن اۉروش قیلیش نیتیده اېکن‌لیگینی کورمه‌یپمیز.»
برچه‌سی بیلن آق‌سرای ملی خوفسیزلیک کینگشی سوزلاوچیسی جان‌کربی گه کوره، امریکا ایران حربی‌لری بیلن توقنشوو آرتیده اېمس.
عراق‌لیک شبه‌نظامی بیر گروه ۲۸ جنوری، یک‌شنبه کونی، اردن ده امریکا حربی کوچلری نینگ قرارگاهی ده پهپادی هجوم اۉیوشتیرگچ بونده‌ی بیانات بیریلماقده.
بو هجوم ده امریکالیک اۉچ عسکر اولیب و باشقه ۴۰ دن آرتیق عسکر یره‌لنگن.
مذکور گروه بیر بیانیه ترقه‌تیب اوشبو هجوم نی غزه ده اسراییل بیلن اۉروشه‌یاتگن فلسطین‌لیکلر دن حمایت قیلیش مقصدیده اۉیوشتیرگنلرینی ایتگن.
ایتیش کېره‌ک غزه گه اسراییل حربی کوچلری نینگ هجومی دن حاضرگچه ایران حمایتیده بولگن شبه‌نظامی‌لر، عراق و سوریه ده امریکا ییتکچیلیگیده داعش گه قرشی ایتلاف کوچلری گه ۱۶۰ دن آرتیق مراتبه هجوم قیلگنلر.
ایران تشقی ایشلر وزیرلیگی، اردن ده امریکا کوچلری قرارگاهی ده اۉیوشتیریلگن هجوم ده تهران نینگ هیچ علاقه‌سی یۉق‌لیگینی ایتگن.
