اردوغان: استانبول مذاکره‌لری روسیه و اوکراین بحرانینی دیپلماتیک یۉل بیلن حل قیلیشده مهم قدم دیر
تورکیه جمهور رییسی، رجب طیب اردوغان بیلدیرگنیچه، اوروش نینگ کېسکین و دوام اېته‌یاتگن عاقبتلری یانیده، استانبول مذاکره‌لری اوکراین بحرانینی حل قیلیش بۉییچه دیپلماتیک حرکتلرده، مهم قدم حسابلنه‌دی.
تورکیه عامه‌وی اخبارات واسطه‌لری خبریگه کۉره، ۱۹- نوامبر، چهارشنبه کونی، اوکراین جمهور رییسی، ولادیمیر زلنسکی، بیلن بیرگه‌لیکده مطبوعات ییغینیده، اردوغان تأکیدلشیجه: استانبول جریانی فعاللشگنده، اوکراین‌ده‌گی جاری کېسکین معمالرنی حل قیلیش امکانیتی موجود دیر.
او شونینگدېک، منطقه‌ده‌گی قان تۉکیلیشینی توخته‌تیشنی خواهلاوچی برچه شریکلر نینگ بو مسأله‌ده فایده‌لی یاندشووگه اېگه بۉلیشینی کوته‌یاتگنینی قۉشیمچه قیلگن.
اردوغان، تورکیه نینگ روسیه بیلن تېزراق تینچلیک اۉرنه‌تیش و عدالتلی، برقرار صلح یره‌تیش بۉییچه تکلیفلرنی هر دایم کۉریب چیقیشگه تیارلیگینی هم تأکیدله‌گن.
اوچره‌شووده زلنسکی، تورکیه اساسی یاندشووی اوکراین گه جوده مهم اېکنینی ایتگن و تورکیه دیپلماسی‌سی و مسکوده‌گی تأثیریگه ایشانیشینی بیلدیرگن.
او، شونینگدېک، ییل آخریگچه اسیرلر المشینووی جریانی نینگ قیته باشلنیشیگه امید قیله‌یاتگنینی قۉشیمچه قیلگن.
شو بیلن بیرگه، آلدینراق، روسیه جمهور رییسی، ولادیمیر پوتین و اوکراین جمهور رییسی ولادیمیر زلنسکی، تورکیه‌ده اوچره‌شیشی رېجه‌لشتیریلگن بۉلسه‌ده، پوتین بو اوچره‌شوونی رد اېتگن و هر ایکی مملکت هیئتلری یوباریلگن؛ اولر اسیرلر المشینووی بۉییچه کېلیشووگه اېریشگن.
