متقی: امریکا مخالفلریمیزنینگ حربی فعالیتلرینی قۉللب قووتلمه‌یدی
۸صبح، کابل: طالبان تشقی ایشلر وزیرلیگی سرپرستی امیرخان متقی، امریکا و باشقه مملکتلر بو گروه نینگ مخالفلری فعالیتینی قۉللب قووتله‌مسلیکدن ایشانچ بېرگنلر دېب ایتگن.
متقی بو حقده‌گی سۉزلرنی ۲۶- قوس یک‌شنبه کونی هراتده، طالبان مخالفلری نینگ ایریم مملکتلرده ییغین اۉتکزگنی تۉغریسیده عکس‌العمل بیلدیریب تیلگه آلگن.
اونینگ سۉزلریگه کۉره،: «دنیا خلقی، امریکا قۉشیمچه بیرچه مملکتلر بوندن کېین افغانستان‌ده حربی حرکتلرنی قۉللب قووتله‌مسلیکلری حقیده ایشانچ بېرگنلر.»
امریکا همده اونگه اتفاقداش دولتلر بوندن کېین افغانستان‌ده اوروش مسلیکلرینی ایتگنلر دېدی متقی.
عین حالده، بیرلشگن ملتلر تشکیلاتی نینگ باش کاتبی انتونیو گوتریش تیناوون بو تشکیلات نینگ افغانستان وضعیتی و اونینگ دنیا خوفسیزلیگی و تینچلیگی اوچون پیامدلری حقیده خوفسیزلیک کېنگشیگه بېرگن ربع‌وار گزارشیده، طالبان مخالفلری اوشبو گروه نینگ ایچکی همده تشقی مساله‌لرگه معمالر بیلن رۉپه ره قیلگنلر دېدی.
شونینگدېک او، طالبان مخالفلری نینگ مسکو، ویانا و دوشنبه شهرلریده اۉتکزگن ییغینلریگه اشاره قیلیب، بوگروه نینگ سورگونده‌گی مخالفلری اۉتمیشدن کۉره فعاللشگنلر دېب ایتگن.
شونینگدېک افغانستان نینگ ایریم منطقه‌لریده طالبانگه قرشی جبهه‌لرنینگ فعالیتلری آشگن و ملی مقاومت جبهه‌سی اۉتگن کېچه پروان و کاپیسا ولایتلریده طالبان نینگ ایکّی قرارگاهیگه حمله قیلگن دیر.
