فایننشال تایمز: روسیه اوکراین گه ینگی هجوم اوچون تیارگرلیک کورماقده
فایننشال کونده‌لیگی اۉز منبعلری گه تیه‌نیب کیله‌سی نیچه کون ایچیده روسیه نینگ اوکراین گه هجوم قیلیشیدن خبر بیرگن.
اوشبو کونده‌لیک ۴ مارچ، دوشنبه کون روسیه کېله‌سی ۱۰ کون ایچیده اوکراین گه ینگی هجومینی باشلشی ممکن دیگن.
اوکراین اردوسی نینگ حربی مصلحتچیلریدن بیری کېم‌لیگی ذکر بولمسلیک شرطی بیلن اوشبو کونده‌لیکّه ایتیشیچه، بوتوغریده انیق معلومات تاپگن.
اونگه کوره، روسیه اۉز هجوم‌لرینی «لوهانسک» غربی ده «کرمینا» و «لیمان» شهرلری گه هجوم قیلیشی ممکن.
مذکور منبع نینگ کوپه‌یتیریشیچه، روسیه بیر هفته دن بېری بو منطقه ده حربی کوچلرینی کوپه‌یتیرگن و اوشبو کوچلر نینگ مقصدی «دونباس» منطقه‌سینی بوتونلی کنترول گه آلیش دیر.
اوکراین اردوسی نینگ مذکور حربی مصلحتچیسی گه کوره: «حاضر روسیه اۉز کوچلرینی دونتسک ولایتی جنوبی ده و کوپراق کوچلرینی ماریوپل اطرافی ده‌گی قیشلاق‌لرده ییرلشتیریشی ممکن.»
اونینگ ایشانچی گه کوره، مسکو نینگ مقصدی اوکراین گه غرب تانک‌لری و قورال-یراغ‌لری اېتیب کېلمسدن بو مملکت گه هجوم قیلیش دیر.
اوکراین اردوسی اوشبو رسمی‌سی نینگ ایتیشیچه: «مسکو اوشبو هجوم بیرینچی چېزیغیده اردوسی نینگ نخبه واحدلریدن فایده‌لنیشی کوتیله‌دی.»
ایتیش کېره‌ک که روسیه نینگ اوکراین گه حربی هجومیدن ایکّی ییل دن کوپ اۉتماقده.
اوشبو مدت ایچیده ایکّی تامان بیر-بیری گه آغیر تلفات اېتکیزگنلرینی ادعا قیلگنلر.
اوکراین اردوسی غرب مملکت‌لری خصوصاً امریکا نینگ حربی حمایتی گه جوده‌هم محتاج دیر.
واشنگتن نینگ کی‌یف گه یاردم‌لری، امریکا کانگرسی ده وکیللر نینگ قرشی‌لیگی طفیلی توخته‌گن.
عین‌حالده، بوندن آلدین اوکراین رسمی‌لری، کی‌یف نینگ غرب متحدلری اوشبو مملکت گه حربی جهازلرینی یوباریش اوچون کېچیکتیرگن حالده، بو اۉروش ده روسیه غالب بولیشیدن آگاه‌لنتیرگنلر.
