اندونیزیا ده سوو تاشقینی و ییر سیلجیشی‌ده ۱۹ کیشی هلاک بولدی
اندونیزیا رسمیلری، اوشبو مملکتده کوچلی یامغیر یاغیشی طفیلی سوو تاشقینی یوز بیریب و ییر سیلجیشی عاقبتیده کمیده ۱۹ کیشی هلاک بولیب و باشقه ییتّی کیشی لادرک بولگنینی معلوم قیله‌دیلر.
رویترز نینگ گزارشی اساسیده، اوشبو طبیعی واقعه طفیلی سوماترا جزیره‌سیده ۷۰ مینگ دن آرتیق کیشی یشش اوی‌لرینی بوشه‌تیش گه مجبور بولگنلر.
اندونیزیا نینگ پادانگ ولایتیده سوو تاشقینی یوز بیریشی و ییر سیلجیشی عاقبتیده حاضرگچه ۷۰۰ اوی و ۱۱۳ جریب اېکینچیلیک ییر بوزیلگن.
ترقه‌لگن معلومات‌لر اساسیده، واقعه طفیلی قربان و لادرک بولگنلر نینگ قوتقریش اوچون قوتقروو تیم‌لری برق کېسیلیشی، سرک‌لر توسیلیشی باعث قیینچیلیک بیلن دوچ بولگن.
اندونیزیا رسمیلری گه کوره، قوتقرو تیم‌لری «پسیسر سلاتان» ده آلتی جسد و «پادانگ پریامان» منطقه‌سیده باشقه اوچ جسدنی تاپگنلر.
اندونیزیا ده ۲۰۲۳ ییل ده کوچلی یامغیر یاغیشی طفیلی ییر سیلجیشی باعث ۱۱ کیشی هلاک بولیب و باشقه اونلب کیشی لادرک بولگن اېدی.
