طالبان سابق بلند مرتبه‌لی رسمیلری: بو ولایتده قتللر سانی آشگن
۸صبح، کابل: مملکت‌نینگ ایریم ولایتلری اینیقسه بامیانده سرلی قللر آشیشی دوامیده، طالبلر بیرینچی دورده‌گی بلند مرتبه‌لی رسمیلریدن بیر سید صوفی گردیزی، اوشبو ولایتده بو قبیل حادثه‌لرنینگ آلدینی آلیش و تېکشیریلیشی خصوصیده بو گروه نینگ ضعف‌لیگینی تنقید آستیگه آلدی.
گردیزی ۱۸-عقرب پنچ‌شنبه کونی، بامیان قوم بویوکلریدن بیری بۉلمیش حیات‌الله خندان‌نینگ جنازه مراسمیده بو ولایت اوچون طالبلر والیسی‌گه ایتیشیچه، ۱۴ییل جمهوریت‌ده بامیانده ۱۴ قتل یوز بېرمه‌گن اېدی، بیراق ایکّی ییل ایچیده |طالبان حاکمیتیده| کمیده ۱۵ حادثه ثبت اېتیلگن.
بامیان امنیتی تامینله‌نیشی اوچون طالبان‌نینگ کوچ‌سیزلیگینی تنقید قیلگن گردیزی، سۉنگی ایکّی ییل ایچیده ۲۴کیشی سرلی روشده اۉلدیرلگنلر بو حادثه‌لرنینگ هیچ بیریسینی عامل تانیلیب قۉلگه آلینمه‌گن دېب ایتگن.
۸صبح کونده‌لیگی اختیاریگه توشگن طالبان‌نینگ اوشبو بلند مرتبه‌لی رسمیسیگه تېگیشلی تصویرلی ویدیوده ایتیشیچه: «۱۴ییل جمهوریت‌ده، بامیان ولایتده ۱۴سرلی قتلیمیز یۉق اېدی، لېکن حاضر امارت‌نینگ ایکّی ییل حاکمیتیده14 ته سرلی قتلیمیز بار، والی صاحب قاتللر یېردن بۉله‌می آسماندن بۉله‌می تاپیب قانونگه تاپشیریشنگیزنی سۉره‌یمیز.»
شونینگدېک او، طالبان والیسینی جدی تنقید اېتیب اوندن بایمان‌ده یوز بیرگن ۲۴ قتل عامللری تاپیلیشینی طلب قیلگن.
حیات‌الله خندان، بامیان ولایتی نینگ یاشلریدن بیری اېدی و مذکور ولایتده‌گی یۉل قوریش شرکتلردن بیری‌نینگ باشلیغی اېدی، او بوندن اوچ کون آلدین یشش اوییده نامعلوم شخصلر تامانیدن قصد قیلینیب یاره‌لنتیریلدی، لېکن اونینگ یره‌سی آغیر بۉلگنی سبب ۱۳-عقرب شنبه کونی ایران‌ده دنیادن اۉتدی.
خندان‌نینگ جیینی اوشبو مراسمده آبه‌سی‌نینگ قاتللری تانیلیب قۉلگه آلینیشینی سۉره‌دی.
نامی فاش اېتیلیشینی ایستمه‌گن بامیانلیک بیر یشاووچی نینگ ۸صبح کونده‌لیگیگه ایتیشیچه: « بیزلر سۉنگی ایکّی ییل ایچیده بیر قنچه جنایتلر جمله‌دن مقصدلی ترورلر، خاتینلرنینگ باشینی کېسیش و اولرنینگ جسدینی یۉل چېتیگه همده اریغلرگه تشله‌نیشیگه گواه بۉلدیک، لېکن بو عایله‌لرنینگ هیچ بیری اۉز شکایتلرینی عاموی اخبارات واسطه‌لری آرقلی چیقاره آلمه‌دیلر.»
شونینگدېک بوندن ایکّی کون آلدین نا معلوم قوراللی شخصلر بامیان بیلن چېگره‌داش غور ولایتی‌نینگ لعل‌وسرجنگل اولسواللیگیده بیر کیشینی قتل قیلگن اېدیلر.
