کاپیساده اوی تامی نینگ قوله‌ب توشیشی عاقبتیده تۉرت کیشی جان بېردی
۸صبح، کاپیسا: محلی منبعلرنینگ ایتیشیچه، کاپیسا ولایتیده کوچلی یامغیر سبب بیر اوی تامی نینگ قوله‌ب توشیشی عاقبتیده عیاللر و باله‌لرنی هم اۉز ایچیگه آلگن تۉرت کیشی جان بېرگن.
منبعلر یک‌شنبه کونی، ۲۰ ثور، ۸صبح گزیته‌سی بیلن صحبتده بو حادثه کاپیسا ولایتی‌نینگ تگاب اولسواللیگیده‌گی «بدراب» قیشلاغیده صادر بۉلگنینی و قربانلر بیر عایله اعضالری اېکنینی ایتگن.
منبعلرگه کۉره، بو حادثه بوگون توشدن کېین کوچلی یامغیر یاغیشی آرتیدن یوز بېرگن.
بو حادثه نتیجه‌سیده حدودده‌گی اېکین میدانلری و درختلرگه هم جدّی ضرر یېتگن.
بو حادثه بوندن آلدین طالبان مملکت نینگ ۲۰ دن آرتیق ولایتیده کوچلی یامغیر و سوو تاشقینی عاقبتیده تلفات و ضررلر یوزه‌گه کېلگنی حقیده خبر بېرگن بیر پیتده وز بېرگن.
شونینگدېک، بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش اداره‌سی (اوچا) افغانستان بۉیلب سۉنگگی سوو تاشقینلری ۷۰ مینگدن آرتیق کیشیگه تأثیر کۉرسه‌تگنینی معلوم قیلگن اېدی.
