طالبلرنینگ حاکمیتی تورت ییللیگی؛ افغانلرنینگ ۹۲ فایزی قیزلرنینگ اورته تعلیم آلیشنی حمایه قیله‌دی
بیرلشگن ملتلر تشکیلاتی‌نینگ عیاللر بوییچه دستوری ینگی گزارشیده، طالبلر تامانیدن قیزلرنینگ اورته تعلیم آلیشی تقیقلنگنیگه قره‌می اکثریت افغانلر قیزلرنینگ تعلیم آلیش حقوقینی قۉللب-قوتلشینی بیلدیرگن.
۷-سنبله، جمعه کونی ترقه‌لگن اوشبو گزارش گه کوره، اویمه-اوی اوتکزیلگن سوراو- ایککی مینگدن آرتیق افغان اشتراک ایتگن و اولردن ۹۲ فایزی قیزلرنینگ تعلیمینی دوام ایتتیریش مهم دیب جواب بیرگن.
اوشبو سوراوده، هم قیشلاق حدودلری و هم شهرلرده قیزلرنینگ تعلیم آلیشی کېنگ مقیاسده قۉللب-قوتلنگنی انیقلنگن.
قیشلاقلرده ایرککلرنینگ ۸۷ فایزی و عیاللرنینگ ۹۵ فایزی قیزلرنینگ تعلیم آلیشینی قۉللب-قوتله‌گن و شهرلرده اېسه بو کورستکیچ عیاللر و ایرککلر آره‌سیده هم ۹۵ فایزنی تشکیل قیلگن.
افغانستانده بیرلشگن ملتلر تشکیلاتی‌نینگ عیاللر بولیمی دستوری مخصوص وکیلی سوزان فرگوسن شونده‌ی دیگن: «بو قیزلر بیزگه اېنگ اولا ایته‌دیگن گپ، اولر تعلیمگه چنقاق و فقط اوقیش، اورگه‌نیش امکانیتیگه ایگه بولیشنی ایسته‌یدیلر.»
گزارشده کیلیشیچه، طالبلر تامانیدن عیاللر گه نادولتی تشکیلات‌لرده ایشلش رخصتی بیریلمسلیگی اولرنینگ کونده‌لیک حیاتیگه کوچلی تأثیر قویگن.
میلادی ۲۰۲۵-ییل، جولای و آگست آیی‌لرده اوتکزیلگن سوراو نتیجه‌لریگه کوره، عیاللرنینگ ۹۷ فایزی بو تقیق اولرنینگ حیاتیگه سلبی تأثیر کورستگنینی ایتگنلر.
بیرلشگن ملتلر تشکیلاتی عیاللر بولیمی‌نینگ کوپه‌یتیریشیچه، افغانستاندهگی یاردم کورسه‌تووچی تشکیلات‌لرنینگ یریمیدن کوپی اوشبو چېکلاو عیاللر و قیزلر گه ضرور خذمتلرنی کورسه‌تیش امکانیت‌لرینی کمه‌یتیرگن.
اوشبو گزارش نتیجه‌لریگه کوره، عیاللرنینگ اوچ-تورت قسمی اۉز روحی حالتینی «یامان» یا که «جوده یامان» دیگن و فقط ۴۱ فایز عیاللر کونیگه بیر مرته اوی‌دن تشقریگه چیقیشگه موفق بولگن، حال بوکه کورستکیچ ایرککلر آره‌سیده ۸۸ فایزنی تشکیل قیلگن.
گزارشده، طالبلرنینگ قتیق چېکلاولریگه قره‌می افغان عیاللری‌نینگ ۴۰ فایزی هلی هم کېله‌جکنی اویلشده و اونده اوزگریش و تینگلیک ممکن دیب تصور قیلیش‌لری تأکیدلنگن.
