هرات اهالیسی یاز‌نینگ کوچلی ایسسیغیده برق‌نینگ تېز-تېز اوزیلیب توریشیدن شکایت قیلماقده
۸صبح، هرات: هرات ولایتی اهالیسی ۴۰ درجه‌دن یوقاری ایسّیق هواده برق‌نینگ تېز-تېز اوزیلیب توریشیدن شکایت قیلیب، بو معمانی حل اېتیش اوچون ضرور چاره‌لر کۉریلمه‌یاتگنینی اَیتماقده.
منبعلر یک‌شنبه، ۲۸-سرطان کونی، ۸صبح گزېته‌سیگه بېرگن صحبتیده، هرات‌نینگ تورلی حدودلریده برق هر کونی بیر نېچه بار اوزیلیشینی و برق اوزیلیشی بیلن بیر وقتده سوو تأمیناتی هم تۉختشینی اَیتدی.
اولر‌نینگ اَیتیشیچه، یاز‌نینگ ایسّیق کونلریده بو حالت‌نینگ دوام اېتیشی آدملر‌نینگ کونده‌لیک حیاتینی کۉپلب معمالرگه دچار قیلگن و عایله‌لر، اینیقسه باله‌لر همده کېکسه‌لر ینه‌ده کۉپراق قیینچیلیکلرگه دوچ کېلماقده.
هرات اهالیسی قۉشیمچه قیلیشیچه، یاز فصلیده برق اوزیلیشی و سوو تنقیصلیگی معماسی ینگی مسأله اېمس و هر ییلی تکرارلنه‌دی، اما حاضرگچه بو‌نینگ اوچون اساسی یېچیم تاپیلمه‌گن.
هرات اهالیسی طالبان مسؤوللریدن هراتده برقرار برق و سوو تأمیناتینی یۉلگه قۉییش اوچون جدّی چاره‌لر کۉریشنی همده خلق معمالریگه اعتبار قره‌تیشنی سۉره‌ماقده.
ایسّیق هواده برق‌نینگ اوزیلیشی کونده‌لیک معمالردن تشقری، آدملر‌نینگ ایش فعالیتی، خدمت کۉرسه‌تیش و اقتصادی فعالیتیده هم اوزیلیشلرگه سبب بۉلماقده.
