پاکستان انسان حقوقلری کمیسیونی: حکومت قاچقینلر بیلن قوپال یانده‌شه‌دی
۸صبح، کابل: پاکستان انسان حقوقلری کمیسیونی پاکستان حکومتی نینگ سند، اسلام آباد، بلوچستان و خیبر پختونخواده افغان قاچقینلریگه نسبتن قۉللگه‌گن قوپّال یان یانده‌شوویدن «قورقیب کېتگنینی» ایتدی.
بو کمیسیون ۱۶- سه‌شنبه کون، ایکس صحیفه‌سیگه بیر پیام نشر قیلیب ایتیشیچه، پاکستان دولتی نینگ بو سیاستی نتیجه‌سیده، حتی بلاغتگه یېتمه‌گن باله‌لر هم چیقاریلیب عیاله‌سیدن اجره‌لیب قالگن.
بو اداره نینگ تاکیدله‌شیچه، مدنی جماعه‌چیلیگ و قاچقینلر بۉییچه خلق ارا آژانس نینگ جدی تنقیدلریگه قره‌مه‌ی، دولت اۉزی نینگ چاره تدبیریگه تاکیدلب، خلق ارا عرفی قانونلرنی آیاق آستی قیلگن.
ایالتی همده فدراللی دولتلر برچه افغانستانلیکلر بیلن حرمت یوزه‌سیدن یانده‌شیلیشی و باله‌لر هیچ بیر شرایطده آته – آنه‌سیدن اجره‌تیلمسلیگی حقیده ایشانچ حاصل قیلیشلری کېره‌ک دېگن مذکور کمیسیون.
پاکستان انسان حقوقلری کمیسیون بو مملکت دولتیدن «ناتۉغری حرکتینی» قیته کۉریب چیقیشنی سۉره‌گن.
افغانستانلیک مهاجرلرنی پاکستان‌دن چیقاریش مساله‌سی عکس‌العمللرگه رۉپه ره بۉلدی.
طالبان مهاجرلر ایشلری بۉییچه وزیرلیک نینگ حساباتیده، سۉنگی هفته‌لر ایچیده ۳۰۰ مینگ افغانستانلیک مهاجر تورخم و سپین‌بولدک آرقه‌لی مملکت‌گه کېلگنلر دېگن.
پاکستان بو مملکتده‌گی۱.۷ میلیون «ناقانونی» مهاجرلرنی اوشبو مملکتنی ترک قیلیب چیقیش اوچون نوامبرنینگ بیرینچیسیگچه مهلت بېرگن اېدی.
