انسان حقوقلری کوزه‌تووچیلری: ۱۷ میلیون افغان آغیر آزیق-آوقت خوفسیزلیگی معماسیگه دوچ کېلماقده
۸صبح، کابل: انسان حقوقلری کوزه‌تووچیلری (HRW) افغانستانده ۱۷ میلیوندن آرتیق کیشی، یعنی مملکت اهالیسی‌نینگ قریب ۴۰ فایزی، آغیر آزیق-آوقت خوفسیزلیگی معماسیگه دوچ کېله‌یاتگنینی معلوم قیلدی.
اوشبو تشکیلات دوشنبه کونی، ۱۲-اسد، طالبان حکمرانلیگی‌نینگ بېش ییللیگی حقیده حسابات اعلان قیلیشی بیلن بیر وقتده، افغانستان دنیاده‌گی اېنگ آغیر انسان حقوقلری انقراضلریدن بیرینی باشدن کېچیره‌یاتگنینی بیلدیردی.
انسان حقوقلری کوزه‌تووچیلری‌نینگ تأکیدلشیچه، مملکتده‌گی انسانپرورلیک انقراضی خارجی یاردم‌نینگ کمه‌ییشی سبب ینه‌ده چوقورلشگن.
تشکیلات قۉشیمچه قیلیشیچه، طالبان‌نینگ عیال یاردم خادملری فعالیتیگه قۉیگن چېکلاولری، جمله‌دن محرم بیلن یوریش طلبی، عیاللر‌نینگ انسانپرورلیک یاردمی و تیریکچیلیک امکانیتلریدن فایده‌لنیشینی هم ینه‌ده چېکله‌گن.
مذکور تشکیلات آگاهلنتیریشیچه، بیرلشگن ملتلر تشکیلاتی‌نینگ انسانپرورلیک یاردم دستوری جدّی بودجه یېتیشماوچیلیگیگه دوچ کېلماقده و خارجی یاردم‌نینگ قیسقریشی یاردم تشکیلاتلری‌نینگ محتاجلرگه خدمت کۉرسه‌تیش صلاحیتینی پسه‌یتیرگن.
