هرات‌ده تورکمنستاندن آلیب کېلینگن برق کوچلی یامغیر و بۉران سبب اوزیلدی
۸صبح، هرات: طالبان هرات ولایتیده تورکمنستاندن آلیب کېلینه‌دیگن برق اوشبو ولایتده کوچلی یاغینگرچیلیک و بۉرانلر سبب اوزیلگنینی اعلان قیلدی.
هرات‌ده طالبان والیسی‌نینگ سۉزلاوچیسی محمد یوسف سعیدی یک‌شنبه آقشام، ۱۶- حمل، معلوم قیلیشیچه، تورکمنستاندن آلیب کېلینگن برق بغرچر بندی حدودیده یوزه‌گه کېلگن معما سبب اوزیلگن.
بوندن آلدین هم قار و یامغیر یاغیشی کوچلی بۉرانلر بیلن بیرگه بغرچر بندیده برق ستونلری نینگ ویران بۉلیشیگه و اوشبو ولایتده تورکمنستاندن آلیب کېلینگن برق نینگ تکرار اوزیلیشیگه سبب بۉلگن اېدی.
بو شوندی بیرحالده دیر که هرات اهالیسی دایمی روشده برق اوزیلیشلریدن شکایت قیلیب کېلماقده و برق تأمیناتیده‌گی معما اولرنینگ کونده‌لیک حیاتیده سلبی تاثیر قیلیب همده بیزنس فعالیتلرینی جدّی معمالرگه دچار قیلگنینی معلوم قیلماقده دیر.
