تهران‌ده متقی طالباننی خلق آره‌سیدن چیققن «نظام» دېب ایتدی
۸صبح، کابل: دنیا افغانستان‌ده کېنگ قمراولی حکومت ایجاد بۉلیشی حقیده تاکیدله‌گن بیر پیتده، طالبان تشقی ایشلر وزیرلیگی سرپرستی امیرخان متقی تهران‌ده |طالبان| مردم ایچیدن ایلدیز آلگن «نظام» دېب ایتگن.
متقی اوشبو اظهاراتلرنی ۲- جدی شنبه کونی تهران‌ده فلسطین باره‌سیده‌گی سیاسی مصلحتی کنفرانسده قیلگن نطق سۉزیده ایتگن دیر.
اونینگ سۉزلریگه کۉره، ایریم مملکتلر طالبان اداره‌سی آستیده‌گی افغانستان‌ده «انسان حقوقلری کیچیک بوزیلیشلرینی» ابزار اوله‌راق فایده‌له‌نیب اوشبو یۉل بیلن بولرنی باسیم آستیگه آلماقچی بۉله‌دیلر.
طالبان رسمیسی، شونینگدېک، دنیاگه عدالت و تېنگلیککه اساسلنگن، هېچ بیر انسان یاکه دولت نینگ حقوقلرینی اعتبارسیز قالدیرمه‌یدیگن، «سیاسی استثمار» و دنیاگه تینچلیک، عدالت و برقرارلیک آلیب کېله آله‌دیگن بویروقدن خالی بۉلگن ینگی ترتیب کېره‌کلیگینی ایتدی.
شو بیلن بیرگه، متقی «مملکتلر انسان حقوقلری نینگ اېنگ کیچیک بوزیلیشی بهانه‌سی آستیده یاکه سیاسی سببلر آرقلی» باسیمنی کوچه‌یتیرماقچی بۉله‌دیلر دېب تیلگه آلگن.
شونینگدېک، او گروهگه قۉییلگن تحریملرنی «انسان حقوقلری ابزار سازلیگی» دېب بیلدیرگن نرسه اوچون «دهشتلی» دېب اته‌گن.
عین حالده او، اسراییل نینگ غزه‌ده‌گی هجوملرینی قاره‌له‌دی و جمعی اقدام اوچون امکان قدر همکارلیک وعده‌سینی بېردی.
متقی نینگ بو فکرلری طالبان افغانستاننی اېگه‌للب آلگنیگه ایکّی ییل بۉلگنی قره‌مه‌ی، حاضرگچه بیرار دولت بو گروهنی تن آلمه‌گن.
تورلی دولتلر، جمله‌دن، ایران طالبانلر انسان حقوقلرینی حرمت قیلمه‌گونچه و افغانستان‌ده کېنگ قمراولی حکومت توزمه‌گونچه تن آلینمسلیگینی معلوم قیلگن.
