هند اۉز حدودیدن تشقری ده «تروریسم» گه عیبلنگنلرنی اۉلدیریش اوچون اۉرینیشینی تصدیقله‌دی
هند مدافعه وزیری راجنات سینگ مثل‌سیز ینگی بیاناتیده، بو مملکت نینگ حدودلریدن تشقریده «تروریسم» گه عیبلنگنلرنی اۉلدیریش گه اۉرینیشلرینی تصدیقله‌گن.
او ۵ اپریل، جمعه کونی سی‌ان‌ان تلویزیونی گه ایتیشیچه، هند مامورلری «ترورچیلیک هجوم اۉیوشتیریش» اوچون اۉرینگنلرنی اۉلدیریش مقصدیده پاکستان حدودلری گه کېره‌دی.
اونینگ کوپه‌یتیریشیچه: «هند هردایم برچه قۉشنی مملکتلر بیلن یخشی مناسبتی بولیشنی اېسته‌یدی، بیراق نیچه مراتبه هند گه کېلیب ترورچیلیک هجوم اۉیوشتیریش گه اۉرینگنلر گه شفقت قیلمه‌یدی.»
«گاردین» بریتانیا کونده‌لیگی اۉز گزارشیده هندوستان ۲۰۲۰ ییلدن حاضرگچه پاکستانده قریب ۲۰ کیشی اۉلدیرگنینی ادعا قیلگن بیرحالده، سینگ بونده‌ی بیانات بیرگن.
گاردین نینگ گزارشی اساسیده، بو «خارجی حدودلرده تروریسم» گه عیبلنگنلرنی یوق قیلیش بیر لایحه دیر.
کانادا و امریکا ینگی دهلینی اوشبو مملکتده جدایی‌طاب سیک‌لرنی اۉلدیریش گه عیبله‌گندن نیچه آی اۉتگچ، گاردین هندوستان نینگ مخالف‌لری گه قرشی تشقی حدودلریده عملیات یولگه قویشی حقیده گزارش ترقه‌تگن.
باشقه تاماندن، هند و پاکستان بیر-بیری نینگ اصلی رقیبی سنله‌دی و ینگی دهی انچه‌دن بېری اسلام‌آباد نی «ترورچیلر» گه باش پنه‌بیریش گه عیبلب کېلماقده.
شو بیلن بیرگه، پاکستان هردایم بو ادعانی رد قیلگن.
ینگی دهلی و اسلام‌آباد اۉرته‌سیده‌گی مناسبت‌لر ۲۰۱۹ ییلده کشمیرده هندوستان حربی کاروانی گه بولگن هجوم که پاکستان نینگ قولی بارلیگی معلوم قیلیندی، کېسکین‌لشگن.
