هند گجرات بیلیم یورتی افغان ییتّی طلبه گه یاتاخانه‌نی ترک قیلیش بویروغینی بیرگن
۸صبح، کابل: هند گجرات بیلیم یورتی افغان ییتّی طلبه گه «رسمی شکلده» اوشبو بیلیم یورت یاتاقخانه‌سینی ترک اېتیش بویروغینی بیرگن.
هند تایمز کونده‌لیگی ۱۸ حمل، شنبه کیچه گجرات بیلیم یورتیده‌گی خارجی طلبه‌لر گه تراویح نمازینی اوقیش پیتیده هجوم بولیشیدن سۉنگ بو قرار قبول قیلینگن.
اۉتگن ییل ۲۶ حوت، شنبه کیچه ناتانیش کیشیلر گروهی هندوستان ده افغانستان، اۉزبېکستان، افریقا و اورته آسیا باشقه مملکتلردن بیرقطاری نینگ طلبه‌لری گه پیچاق و تاش بیلن هجوم قیلگن اېدیلر.
اوشبو هجومده چمه‌سی بیش طلبه یره‌لنگندیلر.
هجومدن کیین هند تشقی ایشلر وزیرلیگی و افغانستان قنسولگرلیگیدن هیأت‌لر اوشبو یاتاقخانه گه تشریف بویریب و موضوع نی تېکشیرگنلر.
گجرات بیلیم یورتی مسووللری نینگ معلوماتی اساسیده، نماز اوقووچیلر آره‌سیده شامل بولگن افغانستانلیک ییتّی طلبه دن تورت نفری بیلیم یورت نی بیّتیریشگن و باشقه اوچ نفری حجت‌لرینی آلیشنی کوتماقده‌لر.
حاضرگچه افغانستانلیک طلبه‌لردن بیش نفری یاتاقخانه‌نی ترک اېتگن.
گجرات بیلیم یورتی نینگ قانون-قاعده‌لری اساسیده، اوقیش دوری یکونلنگن طلبه‌لر نینگ یاتاقخانه ده قالیش حقی یوق دیر.
ایتیش کېره‌ک حاضرگی کونده هندوستان نینگ تورلی بیلیم یورت‌لریده افغانستانلیک مینگلب طلبه اوقیش بیلن مصروف دیر.
طالبان افغانستانده حاکم بولیشی بیلن، اوشبو طلبه‌لر بیر قنچه‌سی ویزا مدتی اۉزه‌یتیریلمسلیگی و هند تحصیلی بورسیه‌سی اوچون تقدیرسیز حالده حیات کېچیریشماقده.
