اینترفاکس خبرگزارلیگی: روسیه کوچلری ۳۴قوراللی عصیانچینی ادلب‌ده اۉلدیرگن
سوریه‌ده روسیه تینچلیک مرکزی اۉرین باسری وادیم کولیت نینگ ایتیشیچه، بو مملکت کوچلری‌نینگ هوادن بېرگن هجومیده سوریه‌نینگ ادلب شهریده بشار اسد دولتیگه قرشیگه ۳۴ قوراللی جنگری اۉلدیریلگن ۶۰دن کۉپ عصیانچینی یره‌لنتیرگن.
روسیه اینترفاکس خبرگزارلیگی‌نینگ گزارش بېریشیچه، مذکور هجوملر ۱۲- نوامبر شنبه کونی بجریلگن.
«روسیه هوا کوچلری ادلب شهریده سوریه دولتی کوچلری پوسته‌سینی نشانگه آلگن ناقانونی قوراللی گروهلرنی نابود قیلیش مقصدیده هوادن هجوم اویوشتیرگن دېب تصدیقله‌دی» مرکز اۉرین باسری کولیت.
اونینگ قۉشیمچه قیلیشیچه، اۉتگن ۲۴ ساعت ایچیده سوریه دولت کوچلری پوسته‌لری یېتّی مرته هجوم آستیگه آلینگن.
روسیه حربیلری نېچه ییلدن بېری سوریه دولت کوچلرینی قۉللب قووتلش مقصدیده بو مملکتده حضوری بار.
بشار اسد کوچلری کنترولی آستیده بۉلگن سوریه‌نینگ ادلب و حلب ولایتلری انده – سنده دولت قوراللی مخالفلری‌نینگ راکت هجومی و اوچوچی‌سیز باشقریله دېگن اوچاقلری هجومی آستیگه آلینه‌دی.
اسدنینگ مخالفلریگه کۉره، مسکو و دمشق، دنیا اسراییل و حماس اۉرته‌سیده‌گی توقنشوولر بیلن مصروف بۉلگن بیر چاغیده اۉز هجوملرینی سوریه‌نینگ ایریم منطقه‌لریده شدتلشتیرگن.
عین حالده، بوندن نېچه وقت آلدین روسیه کوچلری اسد مخالفی حسابلنمش اسلامی گروه‌لر پوسته‌لرینی سوریه‌نینگ ایریم بۉلیملریده هوادن هجوم آستیگه آلگن اېدی.
