انترنت نینگ اوزیلیشی کابل پروازلرینی توخته‌تدی؛ یۉلاوچیلر دبی هوا قونالغه‌سیده قالیب کېتیشدی
۸صبح، کابل: افغانستان‌گه اوچیب کېلیشی کېره‌ک بۉلگن یۉلاوچیلر حاضرده دبی هوا قونالغه‌سیده بوتون مملکت بۉیلب انترنت نینگ اوزیلیشی و پروازلری نینگ توخته‌تیلیشی سببلی کوتیب قالیشگن.
اجتماعی ترماقلردن فایده‌لنووچیلر دوشنبه آقشامی، ۷-میزان، صحیفه‌لریده اعلان قیلگن صورتلرده پروازلر نینگ توخته‌تیلیشی یۉلاوچیلر اوچون جدی معمالرگه سبب بۉلگنینی یازیشدی.
بوتون افغانستان بۉیلب انترنت اوزیلیشی طفیلی پروازلر نینگ بېکار قیلینیشی کۉپلب افغانستانلیک‌لر نینگ مملکت ایچکریسیده‌گی یقینلریدن بېخبر قالیشیگه سبب بۉلدی.
انترنت نینگ عمومی اوزیلیشی ترانسپورت، علاقه و فقرالر نینگ کونده‌لیک حیاتیگه تأثیری باره‌سیده‌گی تشویشلرنی ینه‌ده کوچه‌یتیردی.
