ایران سیلاولری؛ محافظه‌کار نامزدلر ییتکچیلیک قیلماقده
ایران ملی کینگشی و خبره‌گان مجلسی سیلاولری نینگ آوازلرینی سَنش جریانی دوام اېتماقده.
ایران یېتکرمه‌لری ۳ مارچ، یک‌شنبه کونی، محافظه‌کار حزب اوشبو ایکّی سیلاونی ییتکچیلیک قیلماقده‌لیگیدن خبر بیرگنلر.
ایران بویلب آواز بیریش مرکزلر جمعه کونی کېچ قورونگچه آواز بیرووچیلر یوزی گه آچیق بولیب و آوازلرنی سَنش جریانی اۉتگن کوندن بیری دوام اېتماقده.
اوشبو سیلاولرده چمه‌سی ۱۵ مینگ ۲۰۰ نامزد ایران اسلامی شورا مجلسی نینگ ۲۹۰ چوکیسی و باشقه ۱۴۴ نامزد خبره‌گان مجلسی گه اعضا ۸۸ نهاد چوکیسی اوچون رقابت قیله‌دیلر.
خبره‌گان مجلسی ایران نظامی توزولمه‌سی نینگ مهم تشکیلات‌لریدن بیری بولیب و نیاز بولگن حالده، مذکور مملکت رهبریتی مقامی نینگ تنلش صلاحیتی گه اېگه دیر.
ایران سابق جمهور باشلیغی حسن روحانی شامل خبره‌گان مجلسی نامزدلریدن بیرقطاری اوشبو مجلس چوکی‌لری اوچون رقابت قیلیش گه ماس تانیلمه‌گنلر.
باشقه تاماندن، اوشبو سیلاو گه اهالی آز اشتراک قیلگن و فارس آژانسی نینگ معلوماتی اساسیده، ایران‌لیک آواز بیرووچیلر نینگ ۶۱ فایزی دن ۴۰ فایزدن کوپراغی سیلاو گه اشتراک قیلگنلر.
ایران اسلامی شورا مجلسی نینگ سابق سیلاوی که ۲۰۲۰ ییل و کووید-۱۹ ویروسی ترقه‌لگن بیرحالده یولگه قوییلگن اېدی، ۴۲.۵۷ فایز آواز بیرووچیلر اشتراک ایتگن اېدیلر.
ایران گشت ارشاد پولیسی تامانیدن قولگه آلینگن کُردلیک یاش قیز مهسا امینی اۉلیمی باعث ایران بویلب ناراضی‌لیک همایش‌لردن سۉنگ، بیرینچی مرته اوشبو مملکتده سیلاو اۉتکزیلگن.
