ایران یېتکرمه‌لری بیر «چیت‌اېل وطنداشی»نینگ اعدام اېتیلگنی حقیده خبر بېردی
۸صبح، کابل: ایران یېتکرمه‌لری قایم حسینی ناملی بیر چیت‌اېل وطنداشی، اۉتگن ییل قیشیده بو مملکتده‌گی نمایشلرده قتنه‌شگنلیکده عیبلنیب، اعدام اېتیلگنی حقیده خبر بېردی.
میزان اخبارات آژانسی، پنج‌شنبه کونی، ۲۹ اسد، خبر بېریشیچه، عربعلی‌نینگ اۉغلی قایم حسینی، «آرین» نامی بیلن تنیلگن و چیت‌اېل وطنداشی بۉلگن.
ایران حکومتیگه قره‌شلی یېتکرمه‌لر خبرلریده قایم حسینی‌نینگ ملتی کۉرسه‌تیلمه‌گن، بیراق اوشبو مملکت تشقریسیده فعالیت یوریتووچی اَیریم ایران یېتکرمه‌لری اونی افغانستان وطنداشی دېب تنیشتیرگن.
اوشبو یېتکرمه منبعلرگه تیه‌نیب یازیشیچه، قایم حسینی بوندن آلدین نمایشلر بیلن باغلیق حالده اعدام اېتیلگن ینه بیر افغانستان وطنداشی گل‌محمد محمدی‌نینگ عمه‌سی‌نینگ اۉغلی بۉلگن.
شو بیلن بیرگه، سۉنگگی آیلرده ایران قماقخانه‌لریده افغانستان وطنداشلری‌نینگ اعدام اېتیلگنی حقیده کۉپلب خبرلر ترقه‌لدی.
