ایرانلیک رسمیلر: بیر هفته ایچیده سکّیز مینگ افغان مهاجر ایراندن چیقاریلدیلر
۸صبح، کابل: ایران خراسان رضوی چېگره قوماندانی مجید شجاع بیر هفته ایچیده افغانستانلیک سکّیز مینگ قاچقین بو مملکتدن چیقاریلگنلر دېب خبر بېردی.
ایرنا خبرگزارلیگی نینگ گزارش بېریشیچه، شجاع۲۳– قوس پنج‌شنبه کونی یشش اوچون قانونی حجتلری بۉلمه‌گن بو افغان قاچقینلری خراسان رضوی چېگره‌سی آرقلی مملکتلریگه قیتریلگن دېدی.
اونینگ سۉزلریگه کۉره، اوشبو کیشیلر ایران بۉیلب انیقلنگندن کېین تایباد چېگره‌سیدن چیقاریلگنلر.
سۉنگی کونلرده افغانستانلیک مهاجرلرنی ایراندن جبری چیقاریش کوتیلمه‌گن درجه‌ده آشگن.
تیناوون ایران تشقی ایشلر وزیری امیرعبداللهیان جینوا شهریده خلق اراق قاچقینلر مجمع ییغینی جریانیده بیرلشگن ملتلر تشکیلاتی قاچقینلر اینیقسه بو مملکتده‌گی بېش میلیون «افغانستانلیک آواره» گه توجه قیلیشنی سۉره‌گن اېدی.
شونینگدېک بوندن نېچه وقت آلدین ایران ایچکی ایشلر وزیری احمد وحیدی افغانستانلیک مهاجرلر اۉز اولکه‌سیگه قیتریلیشینی ایتگن اېدی.
عین حالده طالبان تشقی ایشلر وزیرلیگی سرپرستی امیرخان متقی ایران نینگ افغانستان اوچون اېلچیسی همده مخصوص نماینده‌سی حسن کاظمی قمی بیلن اوچره‌شگنده او مملکتده‌گی افغان قاچقینلری نینگ حقوقی و قضایی معمالری حل اېتیلیشی باره‌سیده تاکیدله‌گن اېدی.
