ایران تشقی ایشلر وزیری تورکیه و سعودی عربستان تشقی ایشلر وزیرلری بیلن صحبت اۉتکزدی
ایران تشقی ایشلر وزیری عباس عراقچی تورکیه تشقی ایشلر وزیری هاکان فیدان و سعودی عربستان تشقی ایشلر وزیری فیصل بن فرحان بیلن منطقهدهگی وضعیت یوزهسیدن تېلفون آرقهلی صحبتلشدی.
ایران صدا و سیماسی، یکشنبه کونی، ۶ سپتمبر، خبر بېریشیچه، بو صحبتلر اۉتگن آقشم علیحده-علیحده اۉتکزیلگن.
خبرگه کۉره، صحبتلرده ایکّی تامانلهمه مسألهلر، منطقهدهگی وضعیت و منطقهده برقرارلیکنی تأمینلشگه قرهتیلگن دیپلوماتیک سعی-حرکتلرنینگ سۉنگگی جریانی محاکمه قیلینگن.
شونینگدېک، خبرده هرمز بۉغازیدهگی خوفسیزلیکنینگ یۉقلیگی اوچ مملکت تشقی ایشلر وزیرلری اۉرتهسیدهگی محاکمهنینگ ینه بیر اساسی موضوعسی بۉلگنی اَیتیلگن.
بو حالت تورکیه، سعودی عربستان و پاکستان سۉنگگی هفتهلرده اوچ تامانلمه مدافعه شرطنامهسینی امضالهگن بیر پیتگه تۉغری کېلماقده. مذکور کېلیشوو منطقهدهگی دولتلر، جملهدن، ایران آرهسیده خواطرلرنی کېلتیریب چیقرگن.
