ایران رهبری لبنان حزب‌الله‌سیدن حمایه قیلیشنی تهران‌نینگ استراتژیک سیاستی دېب اته‌دی
ایران رهبری مجتبی خامنه‌ای، لبنان حزب‌الله‌سی رهبری نعیم قاسم‌نینگ مکتوبیگه جواب قیتریب، حزب‌الله‌دن حمایه قیلیشنی ایران‌نینگ استراتژیک سیاستی دېب اته‌گن.
فارس اخبارات آژانسی، یک‌شنبه کېچه‌سی، ۲۶-جولای، خبر بېریشیچه، ایران رهبری ایران‌نینگ لبنانده‌گی اوروشنی توگه‌تیشنی امریکا بیلن اوروشنی یکونلش بۉییچه کېلیشوو‌نینگ بیرینچی شرطی صفتیده تأکیدله‌گنیگه اشاره قیلگن.
خبرگه کۉره، مجتبی خامنه‌ای حزب‌الله رهبرلری‌نینگ مکتوبیگه جوابا امریکا و اسراییلگه قرشی «جهاد و قرشیلیک»نی تأکیدله‌گن.
بو اېران رسمیلری امریکا بیلن مذاکره‌لر دوامیده هم لبنانده‌گی اوروشنی توگه‌تیشنی امریکا بیلن کېلیشووگه اېریشیش اوچون اۉز شرطلریدن بیری صفتیده اعلان قیلگن بیر پیتده یوز بېرماقده.
دیمک، لبنان حزب‌الله‌سی اسراییل و امریکانینگ ایرانگه قرشی هجوملری باشلنگنیدن سۉنگ، تهراننی قۉللب-قوّتلب، اسراییلگه قرشی اوروشگه کیرگن.
