ملا برادر سابق لوازمینی سقلب قالگن حالده طالبان ملی استندرد کېنگشی باشلیغی تعیینلندی
۸صبح، کابل: طالبان ریاست الوزراء اقتصاد اۉرین باسرلیگی نینگ ایتیشیچه، ملا عبدالغنی برادر سابق لوازمنیی سقلب قالگن حالده، بو گروه نینگ ملی استندرد کېنگشی باشلیغی صفتیده تعیینلگن.
اوشبو اۉرین باسرلیک ۸-عقرب دوشنبه کونی بیر خبرنامه نشر قیلیب، ملی استندر کېنگشی طالبان ریاست الوزراء رییسی حکمی اساسیده ایجاد بۉلگن، برادر باشقه مسوولیتلری یانیده بو ایشنی هم ایلگری آلیب باره دی دېگن.
خبرنامه‌گه کۉره، ملی استندرد کېنگشی صفت‌سیز موادلر همده تورلر آلیب کېلینیشینی نظارت قیلیش یانیده اۉز باشیمچه قوریله دیگن بنالرنی قوریش بۉییچه ملی استندرد عمومی اداره‌سی پالیسی و استراتیژیسینی تصویب اېتیش و اونی نظارت قیلیش، ملی استندردلر تصویب بۉلیشی، ساختمانی ملی کودلر، نورملر و تخنیکی مقرراتلر لایحه‌سی صدیقله‌نیشی اوچون ایجاد بۉلگن.
طالبان ریاست الوزراء اقتصاد اۉرین باسرلیگی نینگ کۉپه‌یتیریشیچه، زراعت، عالی تصحیلات، شهرسازلیک، ساغلیقنی سقلش، تجارت، مخابرات، کانلر، ترانسپورت، مالیه وزیرلیکلری معینلری قۉشیمچه بیلیملر اکادمیه‌سی باشلیغی، اطراف محیطنی تازه سقلش باشلیغ، کابل شاروالی، شارواللیکلر عمومی ریاستی اۉرین باسری، افغانستان صنایع، کانلر و سرمایه یاتقیزیش تجارت اتاقی مدیره هیات باشلیغلری بو گروه تامانیدن ایجاد بۉلگن کېنگش‌گه دایمی اعضالیک قیله‌دیلر.
عین حالده، ملا برادر طالبان ریاست الوزراء اقتصاد اۉرین باسری لوازمیده هم ایشله‌یدی.
۱۴۰۰ ییل جدی آییده طالبان کابینه‌سی ملا برادرنی طبیعی بحراننی باشقریش مسوولی حیثیده هم تعیینله‌گن اېدی.
